لنفترض ألف شخص بيقولون لك كمّل لا توقف لأن احنا نثق فيك! مئة راح يفكرون انك غير جدير بالرحلة بس عندهم فضول يعرفون وش آخرها معاك! ومئتين يشككون في قدراتك بس عندهم قناعة إنها مسألة حظ ..وينتظرونك تطيح ! بس ولا واحد فيهم مهم .. الشخص الوحيد المهم بالرحلة هو أنت! ايش تبغى؟ ووين رايح؟
احنا ننسى والله ننسى ! ننسى ليش بدأنا ؟ لأن وين ما نلف نلقى تشجيع مغلف بقسوة ! "احنا نعوّل عليكم" .. "الطريق هذا لك" .. "لا تستسلم" ؟ طيب لو كنت شايفة طريق آخر ! ورحلة جديدة .. وعالم مختلف ؟ .. هل بالضرورة أنا شخص متخاذل وفاشل ؟ .. ليش نلبس أثواب غيرنا .. والمقاسات غلط؟
"فكري من جديد" .. "لا تتسرعين" .. نضطر كلنا بدون مبالغه نستثمر استثمارات خاطئة ونضيع وقت وجهد في مسارات مش مساراتنا بس لأن المجتمع ما يرحم .. الخطوات ثقيلة يا جماعة .. يجيك الرد "اللي مشوه مب احسن منك" .. طيب يمكن هم ما خطوها بنفس الحمول؟ يمكن أكتافهم ماتشيل اللي نشيله؟
مرات اشعر بالأسف .. تجاهنا كلنا اللي مضطرين نكمل .. لأن بكل صراحة ماعندنا الشجاعة الكافية .. ننسحب بهدوء .. جبناء بقوالب طموحة .. لأن محد يشوف اللي نشوفه .. مضطرين بس نحط كم سنة زيادة في رصيد احتياطي ونتأخر عشان نتفادى اللوم والتقريع.
وهذا ماهو تقليل من قدراتنا وامكانياتنا .. احنا مرعبين لفئة تدرك تماما حنا وش عليه ؟ ووش نقدر نوصل له .. بس بالاخير محد يقدر يفهم ليش مكملين.. حتى احنا أنفسنا .. ما ندري ليش مكملين .. نضيع ونضيع الطريق .. بس نعديه مش عشان احنا (واو) .. عشان الوصول حتمي.. ماهو بطولة..
جاري تحميل الاقتراحات...