تذكرت كلام النصراوية على البريكان وكثرة الانتقادات للاعب في وقتها كان بعمر ال١٩ او ال٢٠، طبعا الامر ماهو حصر على النصراوية وعاد حنا كجمهور للاهلي تاريخنا في هالشيء كبير ما شاء الله، وايضا الهلالية في فترات كادو ينسفون جيل سالم وسلمان نسف لولا انقاذ تاريخي حصل لهم
المهم

ثقافة الانتقاد لازم تتحسن، البعض هنا يوم ينزل لاعب صغير بالعمر وينتقده، خلاص يثبت هالشيء في باله ومهما هذا الصغير يعمل لاحقا بيظل الانطباع الاول في خالد في ذهن المشجع ويتحول لاحقا من مرحلة المشجع المنتقد الى المشخصن

ما عادت كرة القدم هي نفسها اللي قبل سنوات ومجرد تعطي الكورة اللاعب تنتظر منه يبرز موهبته، فيه عشرات العوامل اللي تؤثر على ظهور وبروز مستويات اللاعبين الكبار والعالميين واغلبها عوامل مو بيد اللاعب بقدر ماهي بيد الجهاز الفني والاداري والمنظومة والتهيئة النفسية ونتائج الفريق و و و

لوهلة تذكرت الكلام اللي كان يقال على هيثم وزياد بداية هذا الموسم لأنو كانو سيئين بجانب ٩ لاعبين سيئين آخرين
زياد قالوا عنه مو موهوب، وهيثم لاعب مربوش عمره ما راح يتطور
الله المستعان