كنت على علاقة بحد، كان عايش عليا الدور الأبوي، إني هامي مصلحتك، وهضايقك بالكلام يمكن تفوق والهري ده كله.
المهم إن الحد ده كانت حقيقته بتظهرلي في أوقات الخلاف، طول ما الأمور عادية يبان كيوت وطيب، وأول ما يحصل خلاف تشوف شيطان قدامك.
يعايرك بقى بكل حاجة يعرفها عنك،
..

يقولك "فاكر فلانة اللي سابتك؟"
طب "إنت هتعملي فيها حاجة يبني إنت ملكش قيمة" وكلام أسوأ بكتير نستحي نذكره، من ضمنه معايرة بفترات الاكتئاب.

الحد ده لما جيت أقطع علاقتي بيه، حسسني بالذنب، اللي هو مينفعش تعمل معايا كدة، مع إني لما عرضت الموضوع على ناس مقربين قالولي إنت إزاي استحملته كل ده أصلًا؟

هي دي الفكرة، في ناس كتير في حياتنا مؤذية وحقيقتهم بتظهر وقت الخلاف، وعايشين علينا الدور الأبوي وهم في الحقيقة لا قرايب ولا صحاب ولا حتى يرتقوا لدرجة المعارف العادية