ثريد عن (امتي تروح لثيرابيست بسبب الاكتئاب)
الثريد ده مهم جدا ومينفعش مرض الاكتئاب يتعامل كأنه حاجة بسيطة ولا يتاخد بهزار ولا ينفع يتعالج بشوية نصايح وكلام عام
اذا عندك علي الاقل ٥ اعراض من الاعراض اللي جاية من ضمنهم واحد من اول عرضين لمدة اسبوعين انت محتاج تروح لطبيب نفسي:

١-مود اكتئاب (عند المراهقين مكن يكون توتر وقلق)
٢-فقدان المتعة والسعادة في الافعال والانشطة بكل اشكالها وبالذات اللي كانت بتبسطك
٣-تغير ملحوظ في الوزن بالزيادة او النقصان
او تغير ملحوظ في الشهية سواء بالزيادة او النقصان
٤-لخبطة في النوم (ارق او نوم كتير)

٥-نقص ملحوظ في التركيز او في حركة الجسم او القدرة ع الكلام
او ظهور متلازمة جسدية جديدة وتفضل مستمرة بشكل مرضي
٦-ارهاق عام غير مبرر وملوش سبب عضوي
٧-الشعور بعدم القيمة واني اقل من اللي حواليا ومستحقش
٨-نقص القدرة علي التفكير و التركيز او التردد بشكل مبالغ
٩-افكار انتحارية متكررة

الاكتئاب مرض نفسي له شقي عضوي متعلق بكميا المخ
بيتعالج بجلسات مع الطبيب النفسي
وادوية لا يتم وصفها الا من خلال دكتور نفسي فقط فقط فقط ولا تتوقف الا من خلال دكتور نفسي فقط فقط فقط
الاكتئاب مينفعش يتعامل معاملة الحزن العادي واي حد حاسس انه عنده اعراض من اللي فوق ميتررددش يكشف