ليش أخذ دورة تدريبية وكل المعلومات موجودة بالنت ؟؟ اكثر سؤال يتكرر والجواب انك بالدورة تدفع قيمة خطة منظمة منقحة من الاخطاء تم مراجعتها من قبل مختصين مع خبير بالمجال ياخذ بيدك وينور لك الطريق بالاخص في موضوع اختبارات قياس لان فيه تكتيكات واختصارات بالحلول تختصر وقتك !
اول شيء النت عالم واسع والمعلومات اللي فيه كثيرة جدا واكيد فيها اخطاء كيف استند على معلومات وبالنهاية تطلع خطأ خصوصا بالتجميعات وكل واحد يحل من كيسة ؟؟
ثاني شيء لو انا اعرف وعندي خلفية بالموضوع وشفت سؤال غريب علي ومع انه محلول بس على اي اساس انحل ؟؟ ولو وجدت نفس السؤال باجابة ثانية برضو على اي اساس انحل ؟!
البعض يستغني عن الدورة بكتاب وهذا شيء كويس نوعا ما بس ما يغني عن المدرب بعد التجربة لان الكتاب راح تفهمة بطريقتك اللي تظن انها صحيحة لكن لما يجي احد يشرح لك ! شوف كيف تثبت المعلومة خصوصا المدربين اللي يستخدمو الربط والتلخيص وعندهم افكار تساعدك تتذكر المعلومات
حط ببالك ان الوقت ماله ثمن لكن بالدورات التدريبية انت حرفيا تشتري الوقت اللي بتقضيه بالبحث والتشتت وبرضو فيه محتوى مجاني كبير بس مو منظم ولا متسلسل ولافيه اختبارات تجرب نفسك فيها
برضو في دورات الرخصة المهنية انت تشتري قيمة سنين انتظار التعيين ، يعني أدخل دورة أجيب درجة ترتفع نقاطي اتوظف ! مادخلت دورة ولا تدربت
ماراح تجيب درجات عالية ولا ترتفع النقاط وتنتظر سنين كثيرة عشان تتعين
لا تستهين بالدورات والتدريب الحين الموهوبين في الاولمبياد يتلقوا تدريب مكثف قبل الاختبارات العالمية لأن من الابحاث وجدو ان التدريب النوعي على الاختبارات يرفع الدرجات في الاختبارات ويحسن الأداء وهذا اللي نبغاه.
اخيرا لاتنوي انك تاخذ الدورة عشان تجيب درجات عالية فقط !! لان الاختبار راح ينتهي لكن انوي انك فعلا تستفيد من كل المعلومات ومن اسلوب المدرب والافكار اللي عنده ومن النقاشات اللي بقروب الدورة وانك تقدر تفيد غيرك في مجالك وانك جالس تشغل وقتك بعلم نافع تحتسبه عند الله
جاري تحميل الاقتراحات...