وانا جنيور اول عمليه قيصريه اتفطم فيها كانت مع السنيوور بتاعي د محيي ،كان متعقم معايا وانا معتمد علي وجوده معايا وهيلم ورايا ومريح فاهو حس ب كده ،فاراح فك تعقميه وقالي جمله لطيفه "انت فالبحر لوحدك علمناك العوم كتير اعتمد علي نفسك بقا" وسابني لوحدي فالعمليه..

وعمل نفسه انه مشي من العمليات وفضلت فالقيصريه بعده تقريبا ساعه مانا شايل الريسك لوحدي عمال اطبق اللي اتعلمته كله،ولما خلصت ببص حواليا الاقيه كان متابعني من غير ما أحس علشان يطمن ع الحاله اولا وعلشان يشوفني اتعلمت وتعبه ده مراحش عالفاضي.
وسبحان الله هو يمشي وانا ابقي سنيور

ويجيلي نايب جنيور ونفس الجمله اققولها ليه بس في حاله primi بتولد طبيعي والاقيه معتمد علي وجودي برضو فا قلتله نفس الجمله بالظبط "انت فالبحر لوحدك عوم بقا" وسيبته ومشيت وعمال اتابعه من بعيد لغايه ما خلص ورحت اطمنت ع الحاله لاقيته واخد epizyotomy ومخيطه احسن مننا والله.

فاحابب اققول اننا بنتعلم من اللي فوقنا فا شوف انت بتتلقي من مين علشان اللي هتتعلمه منه هياثر فيك وهتعمله فاللي تحت منك،
ثانيا هيجيلك وقت وهتتفطم فيه فحاول تتعلم بسرعه في وجود اللي بيسندك علشان لما تبقي لوحد تعرف تسد
ثالثا علم اللي تحتك علشان يبقي صدقه جاريه ليك اولا ويريحك ثانيا.