رتبها

اسمها Silicon Valley. المنطقة اللي بتجمع أكبر شركات التكنولوجيا بالعالم
بس ليش Silicon ؟ وين منلاقيه بالكمبيوتر، وكيف صار فوق سطوحنا ؟
السيليكون هوي مادة موجودة بالطبيعة، واللي بيميّزها هوي انها semiconductor. يعني حسب الظروف، يا بتمرّق كهرباء بشكل ممتاز، يا بتعزل الكهرباء 👇

كمان بشكل ممتاز. يعني عنّا مادة فينا نتحكّم فيها، ونخلّيها تمرّق كهرباء أو لاء. يعني صار عنا مفتاح كهربائي switch. بس يكون المفتاح مسكّر عم يقطّع كهرباء منقرى 1، وبس يكون مفتوح منقرى 0. وهيك صار عنا ال binary system. هلق السحر بيصير بس ندخّل مواد تانية مع السيليكون doping 👇

بكميات ضئيلة، بتسمحلنا نخلق سيليكون سلبي n-type عنده فائض الكترون، وسيليكون ايجابي p-type عنده نقص الكترون. منرجع منجمع هالنوعين تا نخلق p-n junction اللي فينا نستعملها للإنارة اذا عرضناها للكهرباء بال LED، وفينا بالعكس نستعملها لتوليد كهرباء بالألواح الشمسية solar cell👇

هالشي ممكن من خلال التحكم بحركة الالكترون على مستوى الذرة ومستويات الطاقة. يعني الالكترون بقلب الذرة بيبرموا حول النواة عمسافات محددة من النواة حسب طاقتهم؛ كل ما يبعد الالكترون عن النواة بيكون مستوى الطاقة عنده أعلى. بس ينتقل الكترون من مستوى لمستوى أدنى، فرق الطاقة بيعطينا ضو 👇

وبالعكس بس الالكترون يمتصّ طاقة الضو، بينتقل لمستوى أعلى.
هلق اذا زدنا طبقة تالتة وصار عنّا pnp أو npn junction منكون خلقنا الترانزيستور اللي هوي المفتاح الكهربائي اللي حكينا عنّه قبل، واللي هوي حجر البناء الأساسي للكمبيوتر. والكمبيوتر اليوم فيه مليارات الترانزيستور 👇

هالترانزيستور بيسمحولنا حسب التوصيلات نعمل عمليات أساسية بسيطة (and, or , nand, nor...) واللي منها فينا نخلق كل البرمجيات اللي منحتاجها. المهندسين القدام شوي درسوا البرمجة على هالمستوى الأساسي. وبالتالي السيليكون موجود داخل قطع الكمبيوتر من CPU ل GPU ل RAM....
👇

فإذا" مادة وحدة غيّرت وجه البشرية وصارت هلقد متواجدة بحياتنا، من الإنارة لألواح الطاقة الشمسية للكمبيوتر وكل متفرعاته
على أمل الثريد يكون واضح ومش كتير ممل

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد