حل مشكلة زيادة الانجاب لن يكون بالشكوى منه او بكلام شيخ غير ذو ثقة يطلع ينفر الناس منه ، الحل يكمن فى الاهتمام بالتعليم وجعله مجانى فعلا وعلى مستوى جذاب للاسرة والطفل فلايحدث تسرب من التعليم وزواج مبكر لفتاة ١٦ سنة قد تنجب حتى تبلغ ٤٥ وتخيل انت بقى هاتخلف كام طول الفترة دى

لكن التعليم الجيد الجذاب بيفتح عقول الناس وطموحاتهم وتؤخر زواجهم ويكون لديهم اهداف عملية بالحياة اكبر من الزواج بسن ١٦ سنة لكن انت دمرت التعليم وماعندك فلوس لية زى مابتقول ، طيب ماهو عدد السكان الاكثر هايضغط عالموازنة اكثر من ميزانية التعليم ، بالتعليم انت بتصرف خدمة واحدة لكن

زيادة المواليد وقلة الاستثمار والانتاج هايكلفك قد الى صرفتة عالتعليم ١٠٠ مرة ؛ هيا مش لوغاريتمات هيا الدنيا كدة والاقتصاد كدة هاتصرف على حاجة علشان تتفادى خسارة اكبر لحاجة تانية عارضة .. هوا الكلام دة صعب ولا هما الى مجانين ولا اية الحكاية

مشكلة مصر ان زيادة عدد المواليد لايتناسب مع ثبات الموارد ونقصانها المستمر ( الارض الزراعية مثال ) وحتى لو استبعدنا السرقة وفساد الاولويات ستظل مشكلة زيادة عدد السكان بنسبة اعلى من معدل الادخار والاستثمار فى بلد مديونة حتى عنقها لن يؤدى الا الى طريق مسدود مع اى رئيس

والواقع السىء دة الى بيدفعنى لتشجيع المصريين على السفر وبمساعدة حكومية حتى لان انت ماعندك استثمارات تشغل الناس دى ( حتى لو مافيش فساد ) فدة احد الحلول العملية لاستغلال مورد غير مستغل واهو المهاجر والمغترب لو الدنيا تظبط بمصر هاييجى يشتغل ويعيش فيها ، مش خلاص بعناة علشان الفلوس