صوره لمكتبي بعد ما سلّمت الفاينل لمادة اخذتها عن اهتمام وصدمتني، المحتوى بسيط والاسلوب أبسط والمقابل كمية كرف مقرون بـ عدم عدالة التقييم والفيدباك بس مبسوطة اني قفلت المادة خلاص.. والصورة الاخرى لأول كوب قهوة أشربه في اجازة منتصف الفصل .. اسبوع ناخذ فيه نفس ونرجع نقدم ثلاث مشاريع
سمستر عجيب غريب ! اختبرت فيه مواقف دراسية وحياتيه بمحصلة ما توقعتها.. ما اقدر اقول غيرني ! وكلام خيالي كثير .. بس اقدر اقول اني عرفت جانب جديد من روضه .. شخص صبور وحنّين مع نفسه وعنده سعّه ويسند غيره معاه رغم إن الأرض ما تشيله بس قادر يشيل غيره ..
ما عندي أدوار بطولية في المشهد .. أنا بنت تقطع أيامها بالإيمان إن في وراء هالأحداث حكمة تخفى .. اسأل الله إنه يجليها لي .. عشان يطمئن قلبي .. لأن الطريق طويل .. ماني أول وحده تسلكه ولاني الأخيره .. بس أشعر إني بعاطفة عشر نساء مجتمعات ورقيقة وهالدرب شرس وجاف وأقشر
ولا هو استضعاف ولا هو تقليل .. ولا هو خوف .. ولكنك تعرف وش أنت عليه يا انسان .. وتعرف الدرب اللي يشبهك وتبي تمشيه وتعرف الدرب اللي ما يشبهك ولابد تمشيه .. وتمشيهم باختيارك .. الله يسهل الدروب ويطوي بعد المسافة 🙏🏻
جاري تحميل الاقتراحات...