عمري ما هقدر أفهم الي يسافر اوروبا - انجلترا ويكتشف ان ف ديانات ومذاهب كتير والناس كلها بتعبد آله مُختلف وعادات وتقاليد مُختلفه غير اللي هما اتربو عليها وبيبدأ بقي محاولات تغيير دا لأنه شايف انه غلط
طب ما يامعلم البلد اللي انت جاي منها خربانه بسبب ان في ناس عملت محاولاتك ونجحت😀

ودي نفس ال argument بتاعه احنا عايزين الدوله الاسلاميه ، لازم نرجعها تاني
لو سألته عن رؤيته او رؤية الدولة دي للاقتصاد هيقولك بيت المال
طب المختلفين دينيا؟ اهل ذمه ولازم يدفعو جزيه
طيب معاهدات دوليه؟ لا عادي احنا اصحاب اقدم معاهده سياسيه ف التاريخ يعني فهنمشيها وأحلي كليشيهات

وبعدين بقي تزنقه وتقوله طب ماًعندنا أمثله لدول اسلامية يعني عايز المتشدد مثلا؟ افغانستان اهي يا معلم؟ يقولك لاء دا مش الاسلام الصحيح
طب بلاش تمشي معاك تركيا؟ وفي خليفه بيسموه وبتاع يقولك لاء دا عنده نواقص ف الحكم الاسلامي
طب تاخد السعوديه؟ يقولك لاء لأن دي وهابيه مش اسلاميه

طيب عايز مين يا روح أمك! يقولك ماهو مفيش دوله اسلامية حاليا ، احنا بقي هنعمل دوله اسلاميه والنموذج دا ف دماغنا وهنطبق اللي كان موجود من ١٤٠٠ سنه ، طيب يا معلم ربنا يوفقك يعني بس مش هتحصل ولا هتتعمل منك ولا من اجيال اجيالك لأن الموضوع سياسي مش ديني ف الاساس