عايزة احكيلكم عن تجربتي في الكوپ النهاردة اللي هو اخر ايام المؤتمر بما ان الهوجة خلصت واللي كان عنده كلمه قالها واللي كان محضر لحملة ضد الدولة خلصها .. والجماعة المقريفين من كل حاجة واي حاجة تنظمها الدول النامية سكتوا خلاص
مصر عاملة معجزة في شرم حقيقي .. وبما اني ايدي جوة الحكومة من ٢٠ سنة ف الواحد برضه يحترمهم انهم قدروا ينظموا حدث عالمي عملاق بمستوى تنظيم متميز وهم حقيقي بيغزلوا برجل حمار ..
تنظيم عالمي وتجربة seamless
تنظيم عالمي وتجربة seamless
اسأل اي حد من اللي حضروا المؤتمر من اول يوم .. سمعت عن حوار علاء ده؟ الدنيا كانت مكهربة هنا؟؟ هيقولك ولا حسينا بحاجة خالص.
الدنيا كهربت شوية يوم وصول بايدن وخلاص علي كدة .. وده يقولك مفيش اسهل من خلق حالة علي السوشال ميديا بس علي ارض الواقع الدنيا في حتة تانية
الدنيا كهربت شوية يوم وصول بايدن وخلاص علي كدة .. وده يقولك مفيش اسهل من خلق حالة علي السوشال ميديا بس علي ارض الواقع الدنيا في حتة تانية
تحية خاصة للشباب والبنات المتطوعين ولجنة تنظيم المؤتمر اللي شغالين خلية نحل وفي منتهي الذوق والادب وعارفين كل حاجة ومخليين الدنيا سهلة علي المشاركين.
وعجبني اوي البنات اللي سايقة الجولف كارتس في الجرين زون 😍
وعجبني اوي البنات اللي سايقة الجولف كارتس في الجرين زون 😍
الشغل بقي.. مصر عندها امكانية تكون مركز انتاج الطاقة النظيفة لمنطقة العالم القديم كلها خصوصا الهيدروجين الاخضر .. وعلي رأي الاجانب الهيدروجين الاخضر ده لو منجحش في مصر امال هينجح فين!! ده علشان انتاجه عايز رياح (عندنا) او شمس (عندنا) ومنظومة نقل محترمة (عندنا) 😁
طيب ايه اللي ناقص؟؟
زي ما قلت عندنا امكانية ضخمة اترجمت في اتفاقيات بمليارات ام توقيعها بالفعل .. ولكن يا عزيزي الشيطان يكمن في التفاصيل .. لسه عايزين نقل تكنولوجيا خصوصا في التخزين والشحن، وعايزين تشريعات للانتاج والتسعير .. بس اتخيل هنقدر باذن الله نوصل للاهداف بتاعتنا
زي ما قلت عندنا امكانية ضخمة اترجمت في اتفاقيات بمليارات ام توقيعها بالفعل .. ولكن يا عزيزي الشيطان يكمن في التفاصيل .. لسه عايزين نقل تكنولوجيا خصوصا في التخزين والشحن، وعايزين تشريعات للانتاج والتسعير .. بس اتخيل هنقدر باذن الله نوصل للاهداف بتاعتنا
وقود التنمية المرحلة المقبلة وكلمة السر هي القطاع الخاص، اللي تم التعامل معاه خلال الفترة السابقة بكل الاشكال الغلط -ومش عايزة ادخل في تفاصيل هنا لا يمكن حصرها-
على الدولة القيام بمسئوليتها للتسهيل علي القطاع الخاص خصوصا اللي بينتجوا جوة البلد واللي عايشين في كابوس اخر سنة
على الدولة القيام بمسئوليتها للتسهيل علي القطاع الخاص خصوصا اللي بينتجوا جوة البلد واللي عايشين في كابوس اخر سنة
اه معلش وعايزة اقول حاجة تانية علي حوار الاكل ده. هو الاكل اه يعتبر غالي وده بعد ما المفروض نزلوا ٥٠٪ بس كل واحدة حضرت مؤتمرات في دبي وكذا دولة في اوروبا بجد ده ولا حاجة .. مفيش برة حاجة ببلاش الا ساعات لو دافع registration fees وبيبقي ساندوتش وازازة مية.
الساندوتش عندنا بحوالي ٤ دولار مثلا والماية ببلاش .. الانتقالات من والي المؤتمر ببلاش (وده برة مش موجود) ..
ف مش حاسة في سبب اوي للبروباجندا اللي اتعملت غير زي ما قلت في الاول الاجانب اللي بتقريف اوي من اي حاجة تتعمل في الدول النامية ولازم يفضلوا يشتكوا
ف مش حاسة في سبب اوي للبروباجندا اللي اتعملت غير زي ما قلت في الاول الاجانب اللي بتقريف اوي من اي حاجة تتعمل في الدول النامية ولازم يفضلوا يشتكوا
جاري تحميل الاقتراحات...