واحد صحابي أسلم بعد ٦٠ سنة من عمره !
سأل النبي عن صدقاته و بره لأهله قبل الإسلام هل هيتحسب ؟
هو خايف لانه شايف نفسه كبير و ممكن مايلحقش يعمل أعمال صالحة
رسولنا الكريم قاله : " أسلمتَ على ما أسلفتَ من خيرٍ " ♥️

قيل في معنى الجملة دي : إن كل الخير اللي عمله قبل الاسلام في ميزان حسناته و كل الشر ربنا محاه .
و قيل : إن الخير اللي عمله ده أصلا هو السبب إن ربنا وفقه للإسلام و فتح على قلبه بعد العمر الطويل ده .

و قيل : إن الأعمال الصالحة اللي كان عملها دي هتكون سبب إن ربنا يضاعف ليه الأجر على أعماله الصالحة بعد الإسلام ♥️.
سبحانك يارب ما أكرمك..
تفكرت في إن كرم الله معانا كمان في إن الحسنة ممكن تتضاعف ل ١٠٠ و ألف ضعف و أكثر
لكن السيئة تكتب سيئة واحدة
الحسنة تمحو السيئة

التوبة بتحول السيئات لحسنات حتى لو كان العبد مصر على سيئة لسنين طويلة !
سنين سيئات تتحول لسنين حسنات بلحظة صدق واحدة ..
الله بيسبب لينا كل أسباب الرحمة و عدم العذاب ، كل أسباب تثقيل الحسنات و رجوح كفتها يوم القيامة

والله لا يهلك منا إلا من استحق ذلك ، أما عن الله فهو رحيم رحيم ") ♥️.
منقول