عندي نقة عايز انقنقها، بس شايل هم زول من المقصودين بالنقنقة يكون متابعني ، وما عندي طاقة لمناوشات الفي هسي كفاية، فححاول اصيغ الكلام بشكل عام و من مسيرتي الوظيفية.. بس اهو شي وعاوز اطلعه من خاطري
اول ما اتخرجت من الجامعة، كانت نظرتي للمجال الوظيفي او لي انا في مجال الوظيفة انه اكون زول بيعرف يعمل الحاجة القريتها كويس.. وكل ما اتمرست فيها كل ما بقيت احسن و اترقيت و اخدت راتب اعلى.. لحد ما اصل لمرحلة اجمع قروش افتح مكتبي الخاص ومن هنا اقدر اسوق حياتي بالطريقة الحابيها
اول وظيفة اشتغلت فيها كنت ماشي على منهجي دا.. وظيفة كان راتبها بوصلني المكتب و بيفطرني بس .. وكنت مجتهد عشان جواي قناعة كامنة انه كل ما اخدت خبرة كل ما بقيت احسن، كل ما اخدت راتب اعلى.. ونفس المنوال القديم.. بعدها بفترة ما طويلة جاتني فرصة الاغتراب.. واخدتها كطريقة لتسريع الخطة
اول ما اغتربت اشتغلت في وظيفة كان راتبها بيكفيني مواصلات و فطور و غدا، اي نعم الرقم اكبر كتير مقارنةً، بس المصاريف اكتر من السودان، وكنت شغال بكل ضمير لانه مقتنع انه لازم اجوّد العلم الفي راسي عشان اطلع بيه فوق واكمل خطتي، وكنت شايف حوليني ناس في اماكن بعيدة شديد وكنت مستغرب جداً
مستغرب انه موقعي الانا فيه بنفذ حاجات كتيرة والتنفيذ دا بيساعد المشاريع تكمل وتوصل لهدفها، مستغرب انه بعد كل التعب دا في زول تاني لابس بدلة او ما بنزل معانا في الشمس كتير بس هو البياخد اغلب التقدير، وغالباً حسب اللايف ستايل بتاعه بياخد راتب عالي، الموضوع دا كان عامل لي غبنة!
المهم عدى الزمن شوية، وانتقلت لشغل احسن، راتب اعلى بقدر اوفر منه شوية ولسة في بالي انه انا ماشي في الطريق الانا متخيله اول ما اتخرجت، بس السؤال الدايم كان في بالي انه هل بالتقدم البطيء دا حوصل لهدفي قريب؟ ولا حكون في ٤٠/٥٠ وعندي مسؤليات اكبر و حتاكل من توفيري دا والخطة بقت سراب!؟
للاسف علقت في نفس النقطة دي حوالي ٧ او ٨ سنين، طول الفترة دي انا بجوّد في عملي و بعرف اكتر في مجالي و خبرتي بتزيد، بس سوق العمل قدامي كان مؤشراته انه انا وصلت للسقف، اكتر من كدا ما حاطلع، والمفروض ابدأ ابرمج نفسي انه حاعيش على المستوى دا لحد ما انفذ خطتي.. عشان خلاص دا السقف!
يمكن البحكي فيه دا ناتج حظ، او اجتهاد، او شلاقة، او بس تقدير من ربنا ما عارف!
خلال ال ٧ سنين دي اتوفرت لي فرصة انه اختلط بشكل لصيق برجال اعمال، وادارات عليا في شركات عالمية و شركات ضخمة، وكان جزء منها ما في مجال شغلي اصلاً!.. خلال الفترة دي وصلت لي معلومات كانت طوق النجاة لي
خلال ال ٧ سنين دي اتوفرت لي فرصة انه اختلط بشكل لصيق برجال اعمال، وادارات عليا في شركات عالمية و شركات ضخمة، وكان جزء منها ما في مجال شغلي اصلاً!.. خلال الفترة دي وصلت لي معلومات كانت طوق النجاة لي
المعلومة الاولى:
سوق العمل فيه كثير جدا من المنفذين (Executors) .. منفذين بخبرات متفاوتة، وبقاعدة العرض و الطلب، العرض كتير شديد، فالطلب حيكون الاقل تكلفة..
المنفذين ديل محتاجين ناس يوروهم ينفذوا شنو وديل حلالين المشاكل (Problem Solvers) وديل بيجوا حبة في الدستة، وبيتخاطفوهم!
سوق العمل فيه كثير جدا من المنفذين (Executors) .. منفذين بخبرات متفاوتة، وبقاعدة العرض و الطلب، العرض كتير شديد، فالطلب حيكون الاقل تكلفة..
المنفذين ديل محتاجين ناس يوروهم ينفذوا شنو وديل حلالين المشاكل (Problem Solvers) وديل بيجوا حبة في الدستة، وبيتخاطفوهم!
المعلومة التانية:
خبراتك العملية البتبنيها خلال وظيفتك ما هدفها الاساسي بس تجود شغلك، بس هدفها برضو تعرف تدير المخاطر (Risk Management Skills) .. وادارة المخاطر دي ما عشان تعرف بس، اهمها عشان تعرف تتخذ قرارات خطيرة وتتحمل مسؤليتها عشان انت عارف نخاطرها ومديرها بشكل صح!
خبراتك العملية البتبنيها خلال وظيفتك ما هدفها الاساسي بس تجود شغلك، بس هدفها برضو تعرف تدير المخاطر (Risk Management Skills) .. وادارة المخاطر دي ما عشان تعرف بس، اهمها عشان تعرف تتخذ قرارات خطيرة وتتحمل مسؤليتها عشان انت عارف نخاطرها ومديرها بشكل صح!
المعلومة الثالثة و الاهم:
الشركات و المؤسسات عاوزة ارباح، ما عندها اهتمام كبير عن ال Process عشان تجي الارباح, فخبرتك العملية المفروض تكون مركز انها كيف تبقى وسيلة لجلب ارباح، ما بس تجويد لعملك التحت يدك بغض النظر عن الحاصل شنو في باقي الكوكب
الشركات و المؤسسات عاوزة ارباح، ما عندها اهتمام كبير عن ال Process عشان تجي الارباح, فخبرتك العملية المفروض تكون مركز انها كيف تبقى وسيلة لجلب ارباح، ما بس تجويد لعملك التحت يدك بغض النظر عن الحاصل شنو في باقي الكوكب
نظرتي اتغيرت شوية عن المسار الكنت خاتيه لنفسي والخطة الكنت شايفها اول ما اتخرجت من الجامعة.. بس لسة طموحي كان محدود عشان دا الشايفه قدامي.. السقف كان قريب شديد!
لحد ما اتوظفت فوقي ادارة جديدة.. ادارة بتنفذ نفس الكلام الاتعلمته دا بأسوأ طريقة خاطئة ، الجانب السلبي في كل شي حرفياً!
لحد ما اتوظفت فوقي ادارة جديدة.. ادارة بتنفذ نفس الكلام الاتعلمته دا بأسوأ طريقة خاطئة ، الجانب السلبي في كل شي حرفياً!
بس الحسنة في الادارة دي حاجتين:
١- رفعت لي سقف طموحاتي.. شفت ممكن الزول يوصل وين .. ودا ما السقف كمان! في اعلى من كدا كتير
٢- الشي الثاني كانت كل الاخطاء قدامي بتتم كما قل الكتاب، السلبيات في شكل مثال عملي، وكان اكبر درس مر علي طول فترة حياتي
١- رفعت لي سقف طموحاتي.. شفت ممكن الزول يوصل وين .. ودا ما السقف كمان! في اعلى من كدا كتير
٢- الشي الثاني كانت كل الاخطاء قدامي بتتم كما قل الكتاب، السلبيات في شكل مثال عملي، وكان اكبر درس مر علي طول فترة حياتي
WISE MEN LEARN FROM THEIR MISTAKES, BUT WISER MEN LEARN FROM THE MISTAKES OF OTHERS.
الادارة دي كان سبب استقالتي، بس المرة دي كنت متوجه لمكان تاني بفكر تاني، السيفي بتاعي شكله مخالف، خبراتي الاخدتها شكلها مختلف.. اي نعم في خبرات في مجالي كتير، بس في خبرات في المجالات المحتاجها خط السير الجديد اكتر و اكتر.. وكتير منها اخدتها شلاقة مني.. شلاقة عدييل!
Long story short,
الحاجات البقولها دي غيرت لي مسيرتي الوظيفية، لفترة طويلة كنت فاكر نفسي وصلت السقف، وكان السقف مخيب، بس بعد غيرت نظرتي وطريقة تفكيري و شغلي وحرفياً حرفياً ما شايف سقف وحرفياً حرفياً مافي شي حيخلعني في المجال الوظيفي..
Pro-activity is not a myth, it’s the key
الحاجات البقولها دي غيرت لي مسيرتي الوظيفية، لفترة طويلة كنت فاكر نفسي وصلت السقف، وكان السقف مخيب، بس بعد غيرت نظرتي وطريقة تفكيري و شغلي وحرفياً حرفياً ما شايف سقف وحرفياً حرفياً مافي شي حيخلعني في المجال الوظيفي..
Pro-activity is not a myth, it’s the key
In conclusion..
حكيت الموضوع عن مسيرتي الوظيفية.. يمكن معرفتي البسيطة دي تساعد زول عالق نفس وضعي زمان.. ووصل للسقف الشايفه..
عمري ٣٣ سنة ، Director in a Holding group , لو في زول قال لي الجملة دي قبل ٦ سنين كنت ضحكت لحد ما بطني وجعتي..
Today, my plan is to join the C Suite
حكيت الموضوع عن مسيرتي الوظيفية.. يمكن معرفتي البسيطة دي تساعد زول عالق نفس وضعي زمان.. ووصل للسقف الشايفه..
عمري ٣٣ سنة ، Director in a Holding group , لو في زول قال لي الجملة دي قبل ٦ سنين كنت ضحكت لحد ما بطني وجعتي..
Today, my plan is to join the C Suite
جاري تحميل الاقتراحات...