رتبها

في الثريد ده هوضح Roadmap كاملة وجدول لمذاكرة الانجليزي ومصادر لكل مستوى.
وهوضح ازاي نحدد المستوى والـ Templates الي ممكن تساعدنا.
مذاكرة الانجليزي من أكتر الأسئلة الي بتسألها خصوصاً إن فيه فرق كبير بين منهج ثانوية عامة وبين الجامعة وإن حد يدرس بلغة مختلفة عن لغته الأساسية.
1/11

ده الـ Index الي في الرودماب.
هبدأ اعدي على كل نقطة واوضحها هنا، وأوضح نقدر نستخدمها ازاي ونبدأ ازاي والمصادر عبارة عن ايه وهكذا.
الثريد هيبقى Walkthrough كامل للـ Roadmap وأكيد هحط اللينك في آخر تويتة بإذن الله.
طبعاً المصادر كلها Free و Online بشكل كامل.
2/11

أول حاجة هي الـ Assessment Test وده عبارة عن اختبار لتحديد المستوى، بيبقى مجموعة أسئلة بتحاول تحدد مستواك ايه عشان تعرف تبدأ من أي مصادر.
هنا حطيت اختبارين، الأول من جامعة Cambridge والتاني من British Council.
رأيي إنك تجرب الاتنين وتشوف كل واحد نتيجته هتبقى ايه.
3/11

بعدين اختار منهم الأقل في المستوى، مثلاً لو اختبار قالك إنك مستواك Elementary و التاني قالك إنك Pre intermediate فابدا من الأقل الـ Elementary.
عشان في الغالب الأقل هو الأصح، وخلي بالك إن كل الاختبارات ديه تقريبية، صعب تحدد مستواك بشكل دقيق بالرغم ان دول أفضل اتنين موجودين.
4/11

عشان كده لو بدأت وحسيت إنك مش فاهم أوي ارجع للمستوى الي قبله، لو حسيت انك فاهم اوي الكلام الي بيتقال ومفيش حاجة جديدة يبقى يُفضل إنك تروح للمستوى الي بعده وهكذا.
في نهاية الـ Test هيطعلك مستواك ب Language Level.
مثلاً A1 او B1 وغيره، وده وصف ليها
olesentuition.co.uk
5/11

olesentuition.co.uk/single-post/wh…

What Is The Difference Between A1, A2, B1, B2, C1 and C2? Language Levels Explained

If you ever tried to find the right language course for you, you probably came across courses ranked...

بعد ما حددنا الليفل هنبدأ نعرف أكتر إن الـ Plan هتبدأ تركز على الـ Skills الأساسية لتعلم أي لغة باستخدام مصادر مجانية ومتاحة.
والـ Plan هتعتمد على:
١. Main Course
هيبقى فيه معلومات على هيئة شرح عادي من Instructor متخصص.
٢. Fun Materials
من اسمها إنها هتبقى ترفيه بشكل أساسي.
6/11

خلينا نبدأ بجدول الـ Main Course لكل
Level:
الليفل الأول في البلان فيه مجموعة مصادر من قناة رائعة اسمها Zamerican English والمصدر التاني من
BBC Learning English.
الليفل التاني هنكمل برضه مع نفس المصادر بس هنزود عليها كورس مهم جداً للـ English For Academic Purposes.
7/11

وده كورس مهم جداً لأي حد بيدرس بالانجليزي في الجامعة، و بيخليه ميواجهش صعوبة في دراسته بالانجليزي بشكل عام.
الليفل التالت الي هو C1 و C2 للمستوى المتقدم فيه مصادر للتحضير لامتحان الـ IELTS، وحتى لو مش ناوي تاخد الامتحان ولكن التحضير هيفيدك جداً جداً.
أنصح اي حد بيه.
8/11

بجانب المنهج الأساسي ممكن الواحد يشوف بعض المصادر الترفيهية زي الافلام او الروايات.
ممكن حتى قنوات الأخبار او الراديو او مثلاً Podcasts مختلفة بالانجليزي وهكذا
الحقيقة إن الماتيريال ديه فعلاً بنفس أهمية الكورس الأساسي عشان هي بتقربك أكتر للثقافة بشكل عام وده مهم لتعلم اللغة.
9/11

بعد الجزء ده في جزء خاص بالـ
English for Computer Scientists
وده مهم لأي حد مهتم بالمجال وعايز يزود من الـ Vocabulary بتاعه.
رشحت هنا طريقتين:
١. نعمل متابعة لـ Native Speakers بيتكلموا في المجال.
٢. مذاكرة الكورسات او الـ Technical Podcasts الي بالانجليزي.
وحطيت مصادر لده
10/11

آخر حاجة خالص عشان الثريد طول أوي ولكن أتمنى إنه يكون مفيد.
عملت مجموعة من الـ Templates الي ممكن تساعدك وانت بتذاكر، وهي عبارة عن صفحة جاهزة مجرد إنك بتشتغل عليها بس وتنظم مذاكرتك و تسجل الكلمات الي متعرفهاش وكده.
شوفها برضه ممكن تسهل عليك بدل ما تعمل حاجة من الأول.
11/11