الفترة الي مضت، وصلتني اسئلة من كثير بتويتر وكيريوس ناويين يأخذون الشهادة وابي أختصرها هنا عشان تصير الدليل الرسمي لي ولأي سؤال مستقبلًا.
1- فترة المذاكرة: هذا اكثر شيء شائك ما أقدر احدده لأن يبنى بالتراكم + خبرة الشهادات العملية غير عن الشهادات النظرية - من وجهة نظري الشخصية -

2- أي شهادة اقدر أخذ اول؟ sec+ أو eJPT
هذي اكثر نقطة ابي افضفض فيها، لازم تعرف ان مافي باث معين في ناس تحب تبدأ بالأساس عشان تبني عليه، في ناس تحب تبدأ بالصورة الكبيرة قبل - العملية - عشان تفهم اهم النقاط ثم ترجع للصورة الأبسط وللأمانة هذا انا لكن ليش؟ لأني في فترة ما تشبعت

من الأشياء المألوفة، ما اجزم اني متقنتها بس اسلوبي اعرف اني لما اشوف الصورة الكبيرة للشيء الي اتعلمه بتحمس ارجع اعقب عالأشياء المألوفة سابقًا وابدا من جديد ناس تشوفه ضياع وقت انا اشوفه الأسلوب الأمثل لي والمهم انك بالنهاية تحصل معلومات مفيدة تقدر تحدد فيها ايش تبغى توصله بعدين؟

3- تفيدني بالوظيفة او عشان أتوظف؟
لها دور لكن مو اسم طبعًا! اولًا لازم تفهمهم وش لميت و استفدت منها واكثر شيء بيفيدك بالوظيفة اداءك واصرارك ع انك تقدر تقدم لهم الشيء الي يبغونه وقت المقابلة، حصيلتك تفيد لكن كيف تقدم نفسك؟ تتوتر؟ ماحد بيفهم انك فاهم وشاطر ولا بيثقون فيك..

4- مصادر؟ كثيييييرة كثيرة، اقدر احصرها لكم، لكن ما ودي!
الحمدلله السنتين هذي اشوف تطور كبير بكل محتوى السايبر وعربي بعد، كثير ارسلت لهم روابط لأن حسيت انهم صدق ناويين عليها، بس فكرة انك تبحث هذي لحالها مهارة، و بتفيدك خصوصا للناس الي ماتعرف اي شيء عن شهادة eJPT تعتبر open book