طفل الترامسه هو أول هيكل عظمى لإنسان عاش فى صعيد مصر اكتر من 50 ألف سنة، و بيتم ترميم الدقيق بمتحف الحضارة؛ لان حاله الهيكل سيئه للطفل اللي توفى فى عصر ما قبل الاسرات فى جبال الصعيد "تل الترامسة" و رجع العلماء انه كان بيعمل مع عائلته فى جلب الحصي والزلط
لاستخدامه فى حياته المعيشية وقتها طبعا احنا كدا بنتكلم عن العصر الحجري الاول نهايته تقريبا اهميه الهيكل دا ايه بقي انه هاتقدم صورة حية لتطور سلالة الأجناس البشرية، لان الطفل الترامسه اللي هيكله العظمى بمتحف الحضارة كان يبلغ من العمر ما بين 8 سنوات لأكثر اما مات
الدراسات قالت انه توفي اثناء العمل بالمحجر ف الجبل و الجثه مش كامله للاسف ف غير محدد سبب الوفاه ايه و الكلام دا ف التسعينات وقت ما اكتشفوا اللي باقي منه الترامسه هي قريه ف قنا و قنا طبعا كان فيها احد حضارات عصر ما قبل الاسرات زي نقاده بمراحلها الثلاثه و من المعروف
ان المحاجر دي منتشره ع خط وادي النيل كله وقتها و كان وقتها لازم كانوا يروحوا المحاجر عشان يعملوا الادوات اللي بتساعدهم ف المعيشه و بكدا عندنا حضاره الترامسه اللي سبقت نقاده و اللي كان قبلهم البداري ف اسيوط اللي كان قبلها دير تاسا اللي كان قبلها الفيوم اللي كان قبلها حلوان و كان
فيها اقدم سد مائي ف العالم و قبلها المعادي و قبلهم مرمده بني سلامه ف شمال مصر و هتلاقي مثلا وقتها كان الدفن مختلف عن عصر ما بعد الاسرات يعني مثلا الجثث خلال العصر الحجري الحديث، كانت بتتحط فى وضع مثنى وتتلف بجلد أو حصير، و الرأس ناحية الجنوب والوجه ناحية الغرب
أما طفل الترامسة اللي وقته محصلش تحديث ل الدفنات، وكانت قبل بفترة زمنية من حضارة نقادة، فا اتدفن مكان ما مات نفس الحفره وهو يحاول استخراج الزلط؛ عشان يعمل أدوات تساعده على الحياة #NA🇪🇬
جاري تحميل الاقتراحات...