رتبها

#تيجو_نتحاسب؟
محدش يختلف على ان حقوق الانسان قيمة عظيمة ومن واجب المنظمات الدولية السعي لإلزام الدول والحكومات والسياسيين للحفاظ عليها.وطالما ارتضينا نكون جزء من النظام العالمي يبقى لازم نحافظ على مبادئ وقيم الشرعية الدولية اللي بتحميها المواثيق والمعاهدات اللي وقعتها #مصر
-١تابع

وأولها وثيقة الاعلان العالمي لحقوق الإنسان في 1948. وممكن كمان اتفق مع مقولة الامين العام لمنظمة العفو الدولية "امنيستي" السيدة انياس كلامار
(حقوق الانسان مش مفصولة عن حقوق المناخ).
واتفق كمان على ان التركيز على الحق في حرية التعبير للنشطاء السياسيين حق أصيل جدا.
-٢تابع

بس مستحيل حد يتفق إن الحقوق السياسية أهم من الحق في الحياة!
اتعودنا ان منظمة العفو الدولية تلاحق قضايا حرية الرأي وبما انها منظمة بتهتم بتقاريرها الأمم المتحدة مع انها مش من ضمن اجهزة الأمم المتحدة الأصيلة، ومن سنين واحنا بنسمع تهديد ووعيد فيما يخص ملف حقوق الإنسان في مصر
-٣تابع

لهجة اتعودنا عليها ساعات نرتضيها وساعات نطنش وساعات نٌستفز، بس في الغالب الأعم دا ملف بيخص الجهات العقابية زي القضاء والداخلية بالتنسيق مع وزارة الخارجية،لكن قبل بداية #مؤتمر_المناخ_مصر_2022 في شرم الشيخ الكلام كان يخص ناشط سياسي شهير جدا تحديدا وتخصيصا وهو #علاء_عبدالفتاح
-٤تابع

ونزلت علينا السيدة اخته #سناء_سيف، حاملة الجنسية البريطانية من البرلمان الأوروبي تتشنج وتتنهد على حالة اخوها الصحية وتطالب العالم بعدم الذهاب لمصر ووقف تمويلات المشروعات الإستثمارية في بلدها الأم! ثم في مشهد يفوق هذا المشهد استفزازا من قاعة داخل #COP27
-٥تابع

حجزتها مفوضية حقوق الانسان بالتعاون مع منظمة العفو الدولية وعلى المنصة اخته سناء بيهددوا ويتوعودوا لو لم يتم الإفراج عن علاء عبد الفتاح هيقوموا يهدوا الأهرامات فوق دماغنا تقريبا او هيمنعوا عننا الرضا السامي الحلواني لو مستجبتش الحكومة المصرية لمطالبهم فورا
-٦تابع

وياخده رئيس وزراء بريطانيا على طيارته وهو راجع على انهم المحررين الشعب المصري من ظلم السلطة!
وفي مشهد لا يقل عن هذا استعراضا بيتم طرد النائب في البرلمان المصري #عمرو_درويش والحقوقية #نهاد_ابوالقمصان من قبل الداعين لحرية التعبير من اجل سجين مدان قضائيا وبيقضي مدة عقوبته
-٧تابع

كما تقتضي قوانين الدولة اللي تعدى فيها على الحقوق والحريات للمواطنيين!
وايا ان كانت أهمية تبني المنظمة لحقوق شخص، فدا لا ينفي أن نفس المنظمة غضت الطرف عن وجود مجرم حرب بتعريفها وتوصيفها في المؤتمر، ومحاولتش تستغل فرصة حضوره في #شرم_الشيخ وعمل مؤتمر صحفي مماثل
-٨تابع

لإحراجه وفضح جرايمه، وأنا هنا بتكلم عن #آبي_أحمد رئيس وزراء #اثيوبيا!
المنظمة في تقريرها الأخير في اكتوبر الماضي قالت إن جميع اطراف الحرب وهما:
قوات أمن الحكومة الفيدرالية الإثيوبية
والقوات الإريترية
وقوات أمن اقليم أمهرة
ومليشيات من الأمهرة
وقوات جبهة تحرير شعب التيجراي
-٩تابع

أرتكبوا "جرائم حرب وجرائم ضد الإنسانية تصل إلى حد الإبادة الجماعية من بداية الحرب على التيغراي في نوفمبر 2020، وكتير من انتهاكات حقوق الإنسان، من بينها حالات اغتصاب وعنف جنسي وتجويع للمواطنين إلى حد المجاعات وسرقة وتعذيب وحظر لجميع خطوط الإتصال وقطع الكهرباء والوقود
-١٠تابع

وإعدام دون محاكمات"
كمان ذكر التقرير إن جميع الأطراف أفلتت من العقاب والمنظمة شايفة ملايين الناس في التجراي بيواجهوا كارثة انسانية. لحد دلوقتي تقارير المنظمة بتشير لإن الحرب خلفت نص مليون قتيل وشردت ملايين جوا وبرة أثيوبيا وصدرت أزمة إنسانية من اللاجئيين للجارة السودان
-١١تابع

بسبب قلة امكانيات الدولة السودانية لإغاثة اعداد اقتربت من مليون ونص لاجئ في ظروف معيشية شديدة القسوة.
ولحد اللحظة اللي بنكتب فيها هذا الكلام ومؤتمر المناخ منعقد ومنظمة العفو موجودة في المؤتمر عشان #علاء_عبدالفتاح! و #آبي_أحمد كمان موجود عشان المناخ يهمه جدا،
-١٢تابع

لا الصحافة ولا وكالات الإغاثة قادرة تدخل التيجراي تساهم في حل الأزمات الإنسانية.
طيب تعالى أقولك إن حكومة آبي أحمد ربنا وفقها وقدرت تنتزع من متمردين اقليم التيجراي معاهدة سلام عبر وساطة من دولة جنوب افريقيا من ايام، بنود معاهدة السلام بتتلخص في الآتي:
-١٣تابع

*توقف القتال وسحب السلاح
*لا ملاحقات أمنية ولا عقوبات قضائية لأحد
*منح قادة التيجراي منازل آمنة وسيارات جديدة
*لا حديث عن خروج القوات الإرترية من التراب الوطني الإثيوبي
دا ملخص اتفاق الصلح بين الحكومة وقادة الإقليم بعد حرب طاحنة لمدة سنتين كاملين
-١٤تابع

تم تدمير فيها البشر والشجر والحجر والمنظمة لا كلام ولا سلام ولا اشارة !!
ومش دا الأفظع #ابي_أحمد مهانش عليه يحضر مؤتمر المناخ بدون ما يرتكب مجزرة فريش كدة، قبل ما يسلم على جويتريش فقام ضارب اقليم #اوروميا بالطيران ودا أدى لمقتل 60 من المدنيين العزل ومكملة لحد امبارح!
-١٥تابع

ومن الجدير بالذكر ان الاقليم المضروب حديثا هو الاقليم الأكبر في #اثيوبيا من حيث العدد وهو اللي دعم ابي احمد للوصول للسلطة وآبي أحمد بينتمي الي عرقية #الأورومو اساسا. يعني من الآخر الحرب هتفضل دايرة لسببين:
-مفيش عدالة اتحققت
-رئيس الحكومة بيفتح جبهات جديدة
-١٦تابع

ونرجع تاني لمنظمة العفو ومفوضية #حقوق_الإنسان اللي مصرة تتدخل في #الشأن_المصري الداخلي فيما يخص سجين مدان وسايبة مجرم حرب يتجول عادي في المؤتمر الخاص بالأمم المتحدة وسايبة شعب كامل بيتعرض للإبادة الجماعية والمجاعات والأوبئة والتطهير العرقي!
-١٧تابع

وأنا زي ما اتفقت مع المنظمة على حقوق الإنسان وأهمية العمل على الحفاظ على قيمها من حقي احاسبها لما تخل بالاتفاق!
زي ما حاولت المنظمة بالتعاون مع مفوضية حقوق الإنسان الضغط على الدول والأنظمة لتحقيق مكاسب للنشطاء السياسيين المدانيين قضائيا في عملية مسرحية
-١٨تابع

كل هدفها تقويض سلطة القضاء في الدول كما ذكر في البيان المصري المعترض على هذا التدخل السافر في الشأن الداخلي، كان من الأولى بيها تقيم مؤتمر لإنقاذ #أثيوبيا من قائد المذابح فيها وتحاول تنقذ بلد مقر "#الإتحاد_الإفريقي" من كل الجرائم السابق ذكرها.
-١٩تابع

لكنها سابت المذابح عشان حياة الإنسانية كلها متستحقش عند المنظمة جناح بعوضة جنب الإفراج عن سجين رأي بدرجة "عميل" زي #علاء_عبدالفتاح، حياة البشرية أرخص بكتير من اهمية عمل مؤتمر مخصوص لـ"متاخبرة مع دول أجنبية" زي #سناء_سيف.
-٢٠تابع

خلص الوقت اللي تتاجر بيه المنظمات الدولية مع دول المانحين على حساب مصالح مصر من أجل الضغط للحصول على مكاسب، انتهي الزمن اللي مصر تقبل فيه الضغوط بهذا الملف، واكبر دليل على كلامي هو المشهد المهين لجميع من تدخل من اجل علاء عبد الفتاح تحديدا:
-٢١تابع

رؤساء دول وحكومات
مفوضين من منظمات
نشطاء سياسيين
حقوقيين
منتميين لتيارات سياسية
متعاطفين مع اي حد ضد السلطة وخلاص
مغييبين عن الحقيقة
انتو كمان خلص الوقت اللي الوعي المغيب يمكنك من جر البلد لسيناريوهات هدامة سابقة. وكلنا فاهمين ان الزوبعة الهايفة على موضوع اتفه من جناح بعوضة
-٢٢👇

كان معمول بالتزامن مع دعوات الفوضي والتخريب اللي كان معادها النهاردة بالتزامن مع زروة ايام المؤتمر اللي هيكون موجود فيه رئيس اكبر قوة في العالم!
لكن الحقيقة المشهد اتقلب تماما لصالح وعي الشعب المصري وادي شهادات دولية بجودة التنظيم وقدرة مصر #ام_الدنيا على صد مؤامرتكم
-٢٣تابع

مش مشكلة المصريين إنك مختلف مع النظام، فتشارك في التهليل لمنظمات القذارة والانحطاط ضد مصر. مفيش عمل بينطوي على الاستقواء بأجنبي بيكتسب صفة "المشروعية"، الفطرة الطبيعية للشعوب بترفضه وخصوصا الشعب المصري، بيفسر هذا العمل تلقائيا مهما كانت اهدافه لخيانة.
-٢٤تابع

واصبح موضوع الافراج بعفو رئاسي عن المجرم #علاء_عبدالفتاح مستحيل، وتحول امره من ضخصومة مع السلطة إلى خصومة مع كرامة الشعب المصري العنيد"الا كرامة المصريين". اللي حصل في 2011 و2013 مش هيتكرر تاني.
احنا تخطينا مرحلة المراهقات السياسية من زمان؛
-٢٥تابع

لا ظروف اقتصادية ولا خلاف سياسي ولا ديون ولا زيادة سكانية ولا فتنة طائفية ولا وقيعة بين الشعب وجيشه ولا اي اختراع من اختراعاتكم هيرجعنا لمربع قديم، دفعنا فيه تمن غالي.
انتو بس نسيتو إن المصريين خرجوا الشوارع مرتين في سنتين وان المصريين 104 مليون في الداخل يعني يوم ما يقرروا
-٢٦👇

ينزلوا مفيش سلطة في الدنيا هتقدر توقفهم الا السلطة الإلهية. احنا مش مستنيين دعم من حد ولا محتاجين نستلف وعي حد. أما القروض اللي بنستلفها بنبني بيها بلدنا بعد الخراب اللي شفناه من تحت راس نشطاء الغبرة ومنظمات الندامة، مش واخدينها وجاهة وبنسددها في مواعيدها مع فوايدها،
-٢٧تابع

شأن الدول الكبري اللي مشغلة كل زبانية الشر. احنا اللي من حقنا نحاسب المنظمات دي على سلوكها المشين ومكيالها اللي على الكيف، ولو هنتحاسب فالحساب تقيل اوي مع مصر وشعبها و #كله_هيتحاسب وصدقوني انتو مش مستعدين للحساب دا.
كلمة أخيرة:
-٢٨تابع

ألف سلام وتحية لكل الناس اللي اشتغلت عشان نعيش اليوم اللي مصر حافظت فيه على كرامة المصريين ومستجبتش للضغوط الدولة. يسلم كل من اشتغل عشان نربي ولادنا على راية مصر المرفوعة بين الأمم، يكرًم كل من بات في شارع يحرس وكل من حقق عشان يفرز الشريف من الخسيس،
-٢٩تابع

وشكرا لكل من شقي عشان يجيب الفرص ويقنص الإستثمارات لبلدنا،وبوسة على كل ايد قدمت شهيد كان دمه تمن الأمن والعظمة الحاصلة دلوقتي في مؤتمر #COP27
ونظرة فخر واعتزاز لرئيس هذا البلد الأمين القائد العظيم السيد رئيس جمهورية مصر العربية #عبدالفتاح_السيسي
من شعب مصر شكرا
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد