قبل نهاية كل ترم كثير خريجين أو على وشك التخرج محتارين وين يروحون بعد التخرج ومن وين يبدأون. الفترة هذي فترة ضياع وتشتت للجميع .. جهز نفسك ان الموضوع ممكن يطول او يقصر والرزق بيد الله لكن فيه أشياء لازم تبدأ تشتغل عليها من الآن:
١- ستيب: كنز السعوديين اللي ماحد معطيه حقه الا قليل وممكن يفتح لك فرص ما تنتهي سواء اكمال دراسة أو وظيفة او حتى وسيلة لتطوير مهارات ثانية. حاول تخليه هو شغلك الشاغل وحط له ميزانية ووقت. معاك عشر محاولات كل ثلاث سنوات وسعر المحاولات مجتمعة بسعر اختبار ايلتس واحد تقريبا.
٢- تمهير: كنز السعوديين الثاني ومن خلاله ممكن تكسب خبرة وتاخذ راتب لمدة ست شهور. ادخل على طاقات وشف عروض تمهير بكل المملكة ولا تحصر نفسك بس في منطقتك.
٣- التطوع: أدري الكلمة مزعجة للبعض لكن تمهير ٦ شهور وبعده تطوع ست شهور بتصير معاك سنة خبرة.
سنة خبرة مدفوع نصها أفضل من سنة بالبيت بدون ولا شيء. منصة العمل التطوعي هي بابك لو ما حصلت الوظيفة.
سنة خبرة مدفوع نصها أفضل من سنة بالبيت بدون ولا شيء. منصة العمل التطوعي هي بابك لو ما حصلت الوظيفة.
٤- العمل الحر: سجل في منصة العمل الحر واشتغل بالوقت اللي يناسبك. اشتغل بتخصصك او خارج تخصصك أهم شيء لا تجلس تنتظر الفرص هي اللي تجيك وانت توك خريج.
٥- لنكدان: اتعب واقول الفرص مليانة هناك وخصوصا بالمشاريع الجديدة مثل نيوم وذالاين والقدية.
عقبتين ممكن تواجه مستخدمي لنكدان؛ اللغة الإنجليزية ومكان الوظيفة. كثير من الباحثين عن عمل وخصوصا البنات تكون لغتهم ممتازة وتجيهم عروض في نيوم والبحر الأحمر وغيرها ويرفضونها لأنها غربة.
عقبتين ممكن تواجه مستخدمي لنكدان؛ اللغة الإنجليزية ومكان الوظيفة. كثير من الباحثين عن عمل وخصوصا البنات تكون لغتهم ممتازة وتجيهم عروض في نيوم والبحر الأحمر وغيرها ويرفضونها لأنها غربة.
٦- الدورات: مواقع كثيرة تقدم دورات مجانية أو مدفوعة سواء بشهادة او بدون شهادة وأغلبها عن بعد. ادخل في الدورات متى ما سمح وقتك وحاول تطلع من كل دورة بمعلومة مفيدة. دورات الاكسل والوورد ومهارات التواصل هذي مافيها مناقشة. استثمر بوقتك.
٧- خلال عملك للخطوات السابقة حاول تقدم في كل مكان وكل فرصة تجيك لا تقول لها لا وتحط شروط. تذكر انك بوضع ما يسمح تفاوض. اكسب خبرة وتعلم حتى لو براتب قليل وبعدها تأكد انت اللي بتحط شروطك. الخبرة مسألة تراكمية والشاطر اللي يبدأ يحصل عليها بدري.
أسأل الله لكل باحث عن عمل التوفيق والرزق الحلال الذي يكفيه ويسعده ويغنيه عن السؤال. الفرص موجودة بكل وقت.. وتطمن فالرزق بيد الله وليس بيد البشر!
جاري تحميل الاقتراحات...