تعالوا اسولف لكم كيف ادرس؟
وخلونا نتفق .. ما فيه خلطه سحرية للتفوق والنجاح .. والموضوع اجتهادات شخصية والتوفيق أولا واخيرا من الله .. بس فيه مبادئ وأساليب أتبعها ساعدتني كثير .. وهي مبنية على تجربتي الشخصية ومحصلة قراءاتي فخذوا اللي يناسبكم منها وتغاضوا عن اللي ما يلزمكم 😉
وخلونا نتفق .. ما فيه خلطه سحرية للتفوق والنجاح .. والموضوع اجتهادات شخصية والتوفيق أولا واخيرا من الله .. بس فيه مبادئ وأساليب أتبعها ساعدتني كثير .. وهي مبنية على تجربتي الشخصية ومحصلة قراءاتي فخذوا اللي يناسبكم منها وتغاضوا عن اللي ما يلزمكم 😉
أول مبدأ : الله المعطي والله الفتاح العليم هذا الميدأ يساعدني اركز على الجهود (لأنها سعي ربي يراه وينظر له) وأنسى النتيجة ! حرفيا أنا اشتغل ادرس استعد وهذا اللي يهمني لأني كانسان مأمور بالسعي في الأرض..والنتيجة اشوفها شيء خارج يدي.. وهذا يساعدني كثير اتصالح مع النتائج الغير موفقه
ثاني مبدأ: الوقت والخطة المنظمة مفتاح الدراسة الناجحة ! عندي اختبارات وعندي عدة مواد، احط خطة محكمه من خلالها اضمن اني ذاكرت كل المواد على سعه وبدون ضغط ! عشان احتفظ بالمعلومات مدة اطول ! المذاكره ليلة الامتحان جيدة بس ما تضمن نتائج واو .. فيه ناس يجيبون فيها A+ بس هذول استثناء👀
ثالث مبدأ: مافيه شيء اسمه هذه مادة سهله .. اساسا الدكتور يعطي درجات .. هذا الفصل ماراح يجي .. ابشركم يجي .. شفتوا الفصل اللي حذفتوه .. ثلاث ارباع اسئلة الاختبار منه 😂.. ما احب استسهل شيء ولا اقلل من قيمته في الدراسه كل شيء مهم وكل شيء فيه احتماليه انه يجي بالاختبار
رابع مبدأ والاخير واللي احبه : روضه هذا الوقت سيمضي .. بالشينه بالزينه .. سيمضي وانتِ عندك خيارين فقط ! يا تنجحين يا تنجحين لأن مافيه وقت للدلع والطفش ومالي خلق .. فيه شيء اسمه نفسيتي تحتاج دعم ومساعده (اطلبهم ع طول) واكمل .. اخذ استراحات محارب محترمه واكمل .. احب الصملة واقدرها
نجي للأساليب..
كل انسان يعرف وشلون يتذكر وايش يساعده يركز ! ما تعرفون تعالوا نساعد بعض ..
اول شيء التركيز يبدأ من نوعية اكلك ؟ شتاكلون ايام الاختبارات .. شتطعمون اذهانكم ؟ هل تنامون بشكل جيد ! تمارسون انشطة رياضيه خفيفه باليوم ؟ تشربون ماء ولا لا .. شيكتوا كلها تمام .. ممتاز
كل انسان يعرف وشلون يتذكر وايش يساعده يركز ! ما تعرفون تعالوا نساعد بعض ..
اول شيء التركيز يبدأ من نوعية اكلك ؟ شتاكلون ايام الاختبارات .. شتطعمون اذهانكم ؟ هل تنامون بشكل جيد ! تمارسون انشطة رياضيه خفيفه باليوم ؟ تشربون ماء ولا لا .. شيكتوا كلها تمام .. ممتاز
الربط احلا اسلوب دراسة ممكن تطبقونه ! لا تعتمدون على ذاكرتكم كثير .. سجلوا ملاحظات سووا خرائط ذهنية، ارسموا المعلومة ! (طالباتي يعرفون اني مرات ارسم المعلومات لهم عشان يتذكرونها😂) ذاكروا بطريقة مبتكره ! انك تحفظ وتسمع يمكن كانت تنفع ايام المتوسط والثانوي بس بالجامعه المواد اثقل
ناقشوا اللي فهمتوه مع زملاءكم ! اذكر كنت ليلة كل اختبار اتصل على صديقتي ونسولف باللي درسناه ونعطي بعض تنبؤاتنا بالاسئلة .. ! وكنا الثنتين نجيب درجات عالية لان عقلين يفكرون مع بعض (يصنعون الأعاجيب) .. اذا ربي كاتب لواحد فيكم درجة اعلى فهذا رزقه .. محد يسرق جهد احد ..
واحد من الاساليب ! اربط المواد في بعض ! واحط bookmarks وارجع افتحهم مع لبعض واقارن.. واحط فروقات بينهم مرات ممكن تكون فقط في وجهات النظر .. تاخذ وقت صحيح بس هالشيء يساعدني اتذكر بتسلسل .. هذه مهاره تخليك واثق من نفسك وانت تجاوب .. ومطمئن انك فاهم اللي جالس تكتبه او (تختاره)
اسلوب آخر .. انك تشرح اللي درسته لنفسك ! تعيد التأكيد على المعلومة .. وتحط عليها اسئلة.. (مرات نضحك على بعض نقول من كثر ما درست المنهج ألفت منهج جديد .. ) مو مشكلة ! المهم انك فاهم ايش اللي درسته مش مجرد شخص يحفظ.. وبالمقابل فيه مواد بس تنحفظ وغير مفهومه مو مشكلة احفظها وعدّيها😉
اخيرا كثير فيه اساليب وحيل ومهارات انك تأدي الاختبارات افضل من غيرك هذه بعضها! (اقرأ عنها وتعلمها).. فيه كتب كثير تناقشها وفيه مقالات تعطيك نصائح ! على طول طوّر من نفسك فيها واختار اللي يتناسب مع شخصيتك وطريقة نظرتك للدراسة ..ولا تقلق ! الاستذكار والدراسة مهارات تتطور مع الوقت👍🏻
شيء بس احب اختم فيه تذكروا ان سعيكم تؤجرون عليه ! وإن الحياة الدراسية رغم صعوبتها وانها (مملة مرات) الا ان المجتهدين فيها بدون ما ينتبهون تتطور معهم مهارات تساعدهم يتميزون مهنيا ويتفوقون على أقرانهم، لا تشوفون الاثر اللحظي لها شوفوها استثمار فكروا انكم المستفيدين على المدى البعيد
جاري تحميل الاقتراحات...