ودي أحد يشرح لي وش السبب اللي يخلي الواحد يتابع شخص يكرهه؟ ويركِّز في كلامه وأسلوبه ومنشوراته ويدور عليه الزلّه بس عشان ينتقده!
أحلف لك انهم ما طقوا لك خبر وأنت أيها الحقود وش أستفدت غير إنك خسرت وقت على شخص ما تحبّه؟ هل هي صعبه إنك تلغي المتابعه منه وتتركه في حاله؟.. عجيب والله

أستغرب ان أغلب الاحداث الترنديه عن زواج فلان وعلان وخصومات ومشاكل عائليه يتم نشره لمجرد لفت الانتباه وسواليف من هالقبيل.. أحداث سلبية جدًّا ومملّة!
يمكن لا تلاحظ الاثر السلبي من تلقّي هذهِ الاخيار والأحداث التافهه ولكن أعلم جيّدًا إنك تضر نفسك بمتابعتك لهم بشكل مهووس!

موجع إنك تنشغل بحياة غيرك وماذا فعل وماذا قال بدلًا أن تنشغل بنفسك وتطوير ذاتك وعلمك! تأكد ميه بالميه إنك تدعمهم وتصعّد هؤلاء التافهين على حساب وقتك، ثم تلومهم على ساعاتك المضيّعة بدلًا من ان تعترف إنك قادر على إلغاء المتابعة بكل سهوله، وهذا قرار يكلفنا نحن ولا يكلفهم شيئًا!

الزبدة والمختصر من كلامي ليش نكون ضحايا مشاهير التواصل ونقع بهوس المشاهير؟ ونشغِل ونضيّع وقتنا بمتابعة مالا يعنينا ولا يفيدنا لا في دينا ولا دنيانا؟ رفقًا بنفسك وبعقلك التي كاد الاسى والاخبار السلبيه ان يطرحه أرضًا