رتبها

مساء الخير النهاردة حسابات النادي الأهلي الرسمية نشرت بوست أحياء ذكري فوز -مزيف- علي الزمالك
الحمد لله احنا في الصفحة الاصلية ورغم قلة الاهتمام والدعم كنا منتهجين منهج علمي للبحث في التاريخ ونجحنا في توثيق معلومات مهمة تخص تاريخ النادي وكمان ونشرنا موضوعات عن صفحات سوداء من

تاريخ المنافس ردينا علي اكاذيب منها اكذوبة الماتش دة.. في السطور الجاية وكومنتات البوست إعادة نشر لموضوعنا عن الاكذوبة
كنا كلمناكم سابقا عن الوثيقة المزورة اللي نشرها شركائنا في الوطن عن ادعاء فوزهم علي الزمالك بسداسية نظيفة ضمن مسابقة الالعاب الدوري لمنطقة القاهرة لعام ١٩٢٥

ونشروا جدول كنا شككنا في صحتة لظهوره مرتين بتفاصيل مختلفه وهو ما يؤكد عدم صحته. ( صورة ١ و ٢ )
النهاردة هنكمل موضوعنا بتفاصيل أدق عن قصة النتيجة المدعاه.
في البداية كانفراد لينا نجحنا في الحصول علي مواعيد دوري القاهرة في السنة دي ..

المواعيد نشرت في عدد الاهرام بتاريخ ٧ اكتوبر ١٩٢٥ وتم ذكر مواعيد مباريات الموسم وقتها. ( صورة ٦و ٧ )
من ضمن المباريات كانت مباراة الزمالك والترسانة اللي اقيمت ٣٠ اكتوبر و الجدول المزيف ادعي وجود نتيجة لها وهيا ٣-٠ بالبحث وجدنا ان الزمالك انسحب من المباراة اصلا في الشوط الثاني

حد ممكن يقول ما يمكن كانت دي النتيجة وقت الانسحاب ؟ لا .. لان في نفس الجدول الانسحاب بيكتب انسحاب والفريق اللي مبيروحش اصلا بيكتب قدامه لم يحضر. ( صورة ٥)
ماتش الترسانة دة كان قبل ماتش الزمالك والاهلي اللي بتدور عليه القصة المزيفة مباشرة وتم احاله أمر الزمالك الي اللجنة العليا

من المتوقع أن ماتش الزمالك والاهلي اللي بيتم الادعاء أنه خلص ٦-٠ لم يلعب من الأساس ..المباراة لم يتم ذكرها في الصحف في الأيام التالية لليوم المفترض لعبها فيه نهائيا حيث كان من المقرر أن تلعب بتاريخ ٨ نوفمبر ١٩٢٥وبالبحث لم نجد أي ذكر للقاء في الاعداد التاليه حتي الوصول ليوم ١٢/١١

واخيرا يعني فالوثيقة المزورة بتدعي أن مباراة الأهلي والترسانة أقيمت ١٢ فبراير ١٩٢٦ والحقيقه ان الماتش اتلعب ٥ فبراير وهو تاريخ سابق علي تاريخ صدور الجريدة المزورة اصلا.( صورة ٣ و ٤)
نرجع للجدول المزور ... مبدئيا واولا هنتكلم عن أخطاء الجدول.. الاهداف اللي سجلها الزمالك مفروض 17

ومكتوب14 واللي استقبلها مفروض 12 مش 22
تاني حاجة مضحكة في الجدول نتيجة السكه الحديد مع الزيتون مكتوبه مرتين كل مرة غير التانية مرة 2-0 ومرة 0-0 ونتيجة الترسانة والزيتون مرة 4-0 و مرة 4-1
حاجة مسخرة يعني شغل حراميه مش مؤرخين.
كفايه ؟ لا لسه مجموع اهداف السكه الحديد غلط 12 مش 14

الاختلافات في عدد الاهداف المشار إليها دي تؤكد أن النتائج المذكورة مشكوك فيها كليا دة بالإضافة للتزوير الواضح علي الوثيقة يعني.
فغالبا الاخ اللي ضرب الجدول ركز علي أنه يظبط اهداف الاهلي بس 😁
نتمني مشاركة الموضوع وأنه يكون قدم لكم إضافة جديدة