الدنيا بتلف عشان توصلني في النهاية لحقيقة إن أي شيء يهون قصاد راحتي وسلامي النفسي، وممكن يبقى عندي شهرة وفلوس بس أنا مش سعيد، أه المال والبنون زينة الحياة زي ما ربنا وصفهم، بس ربنا قادر على إنه يحسب منك راحة البال، وقتها أي حاجة قصاده بتهون
...
...
والسعادة مش علاقة، أنا حتى لما كنت مرتبط وهتجوز مكنتش سعيد، وكنت بقولها كدة، والسبب مكانش فيها، السبب فيا أنا، بعمل كل حاجة من غير نفس ومش قادر أتخطى ولا حتى أوصفلها إيه اللي بحس بيه يمكن تقدر تساعدني أخرج منه
وكل حاجة ليها زهو في البداية، فلوس كانت أو شهرة أو منصب، بيفضلوا أحلام بعيدة صعبة المنال بالنسبالك، بمجرد ما تمتلكهم قيمتهم في عينك بتقل بالتدريج لمجرد إنك بقيت تألفهم
لذلك أنا صدقت إن في ناس ممكن تكون معاها كل حاجة ممكن تتخيلها وتحسدهم عليها، بس هم فعلاً مش مبسوطين في حياتهم ويتمنوا حاجة بسيطة عندك إنت، زي إنهم يكونوا بخير وبس
جاري تحميل الاقتراحات...