شفتوا انتم الدعاء اللي بنقوله " رَبَّنَا لَا تَجْعَلْنَا فِتْنَةً لِّلَّذِينَ كَفَرُواْ " ، متخيل إنك ممكن تبقى سبب فتنة لحد كافر ؟
ازاي ده ؟
لما الكافر يشوف منك خلق مش كويس أو انت مجاهر بذنوب دينك حرمها عليك ، فا الكافر يشوفك يحسب إن ده من الدين فا تصده عن الدخول في الاسلام

مين فينا مش عنده جار مش مسلم ؟ او حتى بيتعرض لسياح أو بيسافر ؟ تخيل تنطبق عليك الآية دي !
طيب ما بالك كمان بأخوك المسلم اللي قد يُذنب بسبب ذنبك انت و قد يُفتن بسبب فتنتك انت .
تخيل إنك تكون من أصحاب آية تانية ربنا قال عنهم :

لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ (25)
تبقى انت ماشي مش عارف حاجة و بتضل الناس و كل ضلال نشرته هيتكتب في كتابك انت.

عشان كده الظاهر مهم ، اللي بنجهر بيه مهم ، لو بنجاهد في أي حاجة يبقى نجاهد و نسأل الله الستر لكن مانجاهرش بيها عشان مانسنش سنة سيئة
و ممكن يجي حد فينا يوم القيامة يلاقي الذنوب اللي أخدها من ورا الناس اللي ضلهم أكتر من ذنوبه هو شخصيا .

نخلي بالنا ، نستر على نفسنا ، نستغفر و نتوب من اضلال غيرنا ، ننصر دين الله بمجاهرتنا بالطاعات ") ♥️