العلاقات
التعاليم الإسلامية
الصحة
المجتمع
قضايا اجتماعية
الأخلاق
التعليق الاجتماعي
العلاقات المحرمة
وجهات النظر الدينية
الحب والإغراء
العلاقات الخاطئة
ودي اتكلم عن العلاقات المحرمه ( اللي تكون بين الجنسين من دون زواج) ، اولاً اعرفوا أي علاقه تجي بالحرام ما راح تتوفقون ولا بتتهنون فيها ، واعرفي لذة الحب اللي الشيطان يوهمك فيها ويخليك تغرقين اكثر واكثر وتنسين ربك وهل هو راضي عليك ولالا ماهو إلا حب وهمي ، لإنه جاء من الشيطان !
الحب الحقيقي انه يجي ويدق الباب غيره كلاممم فاضي ! اذا ينتظر وظيفه أو شيء يقدر يتوقف عن التواصل معك اللين مايلقى وظيفه وياخذ رقم ابوك ويجي كرجال يخاف الله ، اما التواصل وكلام الحب والمقابلات اللي تصير بين الجنسين من دون زواج ماهو إلا جرّ للزنا وعلاقه الله غاضب عليها
اللي متأثرين من المسلسلات يحسبون إن العلاقه اللي تجي من تواصل وحب هي العلاقه الناجحه بس نفسهم اللي يتابعون المسلسلات يعرفون إن الممثلين يرتبطون ببعض وينفصلون بنفس الشهر ! ويعرفون كميه الطلاق المهوله ببلاد الاجانب مع إنهم كلهم كانوا يعرفون بعض قبل الزواج ويتواصلون ويتقابلون !
الشيء اللي لازم نستوعبه إن الزواج التقليدي اللي انتم تحسونه شيء قديم هي العلاقه الصحيه اللي ترضي الله ورسوله قبل ماترضيك ، اما سالفه اتواصل معه سنين واقابله وهو مو محرمي هذا شيء يناقض دينك ومبادئك وخيانتك لاهلك !
- طيب شيخه اذا كنت اتواصل والحين ودي اوقف وش اسوي؟
كلميه انك بتوقفين تكلمينه وتتواصلين معه بأي شكل من الاشكال لين يجي هو ويقولك فقط "عطيني رقم ابوك عشان اطلبك منه " هذا الحب الحقيقي صدقوني والرجل اللي مايخاف الله ويكلمك وهو يعرف انه علاقتك فيه ماترضي الله هذا خافي منه
كلميه انك بتوقفين تكلمينه وتتواصلين معه بأي شكل من الاشكال لين يجي هو ويقولك فقط "عطيني رقم ابوك عشان اطلبك منه " هذا الحب الحقيقي صدقوني والرجل اللي مايخاف الله ويكلمك وهو يعرف انه علاقتك فيه ماترضي الله هذا خافي منه
كيف تتواصلون مع اشخاص تعرفون انهم مايخافون الله ؟ كيف ترتاحون وتنامون وانتم عاصين الله بكل ثانيه مع تواصلك معه؟ يجماعه حنا مسلمين لنا مبادئ وعقيده ، إذا المسلسلات بتأثر فيكم بهذه السهوله بتضيعون والله ، انتم شوفوا حياتهم وكيف اكثر علاقاتهم شهوه ، ويستمرون سنين من دون زواج !
ختاماً : الحب جميل مره وعائشه كانوا يسمونها الصحابه "حبيبة حبيب الله " بس لاحظوا كيف إن الرسول وعائشه يحبون بعض بالله وفي الله ولله ! فثاوبهم الله بعلاقه تمتد إلى الجنه وعطاهم من لذة الحب والزواج ماعطى أي مؤمن يبغى رضا الله قبل أي احد ثاني ، ومن ترك شيئا لله عوضه الله خيراً منه
جاري تحميل الاقتراحات...