لايغرك اللي يستهتر ويتمصخر بعبارة انه فيه انسان يبدا من الصفر او انسان يبدا من لاشيء
👌🏼الفرص كثيرة ووسائل البحث اصبحت سهلة وميسرة
اهم راس مال ممكن تمتلكه 🧠 والجميل في الموضوع انك تقدر تنمي 🧠 بدون مقابل من خلال الوسائل الحديثة

عندنا منطق غريب في المجتمع
اهم نقطة منتشرة ماعندي راس مال اذاً مااقدر افتح مشروع مااقدر استثمر ماعندي جهة تمولني مشكلتنا دائماً نفكر نمتلك شي بالكامل من البداية
غلط انه نفكر بهذي الطريقة ونحرم انفسنا من فرص متاحة وغير مكلفة كثيراً

بدل لاتفكر تفتح مشروع وتراكض خلف تصاريحه وتبحث عن جهة تمولك فيه فرص متاحة عندك ماتحتاج الا سعي وعزيمة وبحث وتقصي وتعلم واستشارة ناس لها تجربة في هذا المجال
وايد افكار غير مكلفة تستطيع البدء فيها مثل الاستثمار والتداول حسب المقدرة بعد التعلم
التجارة الالكترونية بعد التعلم

ومتأكد فيه فرص غيرها في حياتك ممكن تكون بداية لك
لكن شرط المحاولة سواء دخلت او مادخلت المحاولة مطلوبة