النجاح في الحياة عموماً ماعندو علاقة بالتقدير الجامعي ، التقدير الجامعي مهم من الناحية العلمية فعلاً وبفتح ذهنك وبخليك أبديتنغ وبدل على مدي استيعابك وفهمك للمحتوى العلمي الإنت درستو لكن يكون هو سبب في نجاحك وفشلك؟؟ لأ طبعاً لأنو دا يعتبر تواكل وتكاسل وتخاذل، ممكن جداً إنك تنجح في
الناحيتين العملية والعلمية وتفشل من الناحية الشخصية عادي يعني وممكن العكس كمان، بسيطين هم البقدروا ينجحوا في التلاتة نواحي مع بعض وبتساعدهم ظروف معينة كدا بس دا مابيقلل أبداً من إجتهادهم ومثابرتهم عشان يكونوا متميزين، أي حقبة زمنية مرت علينا في حياتنا كبشر كان دائماً بتخللها
إهتمام لي ناحية من التلاتة نواحي ديل، في فترة كدا النجاح العلمي بالنسبة ليك بكون بساوي النجاح على مستوى الحياة ككل، وفترة تانية كمان النجاح العملي فيها بساوي نفس الشئ ومرات اكتر لأنو هنا النجاح مرتبط بالمادة الهي عصب الحياة وهكذا دواليك دواليك لحدي آخريوم في عمرك، المشكلة إنو
زمننا الحالي الهسي أنحنا فيهو دا يعتبر من أصعب الازمنة لأنو مطلوب منك فيهو إنك تكون ناجح في التلاتة النواحي ديل مع بعض كيف؟؟ مامعروف ودا البفسر الهم الأنحنا فيهو هسي دا، الهم البتتخللو أحساسيس عدم الانجاز القاتلة ديك المقرونة بي غصة في حلقك بتظهر ليك كلما سنينك بتكون شايفها
إتسرقت من قدام عينيك وإنت ماقادر تبدي أي رد فعل وتمضي الايام بعد شوية بتسأل روحك أكمل قراية وأعمل ماستر ودكتوراة ولاأشتغل وأعوض اهلي؟ طيب أشتغل وأهتم بي مستقبلي المهني ولاأعرس وأجيب لي أولاد ينفعوني لما أكركب؟ طيب ألم لي قروش للزمن ولاأستغلها في كورسات وقراية تنفعني؟ وتمضي الأيام
برضو وإنت ماقادر تتخذ أي قرار اللهم إنك عايش وخلاص وفي النهاية ودا الغالب إننا بنفشل في التلاتة نواحي طيب الحل شنو؟ الحل في الوسطية حاول على قدر إستطاعتك إنك تصل للماكسيمايز في التلاتة نواحي مع نسب إهتمام متساوية، هي صعبة شوية بس مامنها مفر ماعيب لماأجيب مقبول مثلاً في أي تخصص
وفي نفس الوقت بكون مجتهد في شغلي، بكون إكتسبت خبرة ودا برضو مابمنع إني أتعرف على ناس يخلوني أطور من مهارات التواصل بعد كدا إنت إن شاءالله ماحاتفشل في أي حاجة من التلاتة ديل بالعكس حاتتفوق على الشخص اللإهتم بي ناحية واحدة وركز معاها على حساب الباقيات خليك وسطي حاتكون ناجح
جاري تحميل الاقتراحات...