التعليم
التكنولوجيا
الأعمال
التجارة الإلكترونية
الأعمال عبر الإنترنت
العمل عبر الإنترنت
النشر الرقمي
نشر الكتروني على الانترنت
النشر الإلكتروني
بعد تعويم الجنيه الأخير وناس كتير ابتدت تكلم عن شغل اونلاين يجيب لك دخل ب #الدولار فكان عندي خبرة في مجال جديد شوية على المصريين ومش عارف الصراحه الشباب مش مهتمة بيه ليه مع انه مجال مربح لو ركزت فيه واغلب اللي شغالين فيه من المغرب وتونس وهو kdp 1
kdp هي منصة نشر إلكتروني تابعة لأمازون بتقدر تنشر تصاميم الكتب قليلة المحتوى أو حتى ذات المحتوى وتبيعهم على كل مواقع أمازون في كل البلاد ماعدا الدول العربية وانت اللي بتحدد سعر كتبك وهي بتحتاج معرفة متوسطة باللغة الإنجليزية وشوية خيال وبس 2
الموضوع طبعا في تفاصيل كتير هتلاقيها على اليوتيوب بس اغلب الفيديوهات عاملها مغاربة أو توانسه ولهجتهم صعبة فلازم تشوف الفيديوهات الأجنبية أفضل
اشتغلت في الموضوع دا من حوالي سنة ونص وعملت حوالي 1600 كتاب أو تصميم وسبتهم كنوع من انواع الدخل السلبي وانت نايم بيجيلك فلوس لو نسخه من كتبك اتباعت والفلوس بتتحول على حسابك في بيونير ومنها للبنك في مصر
ياريت الشباب يدخل يشوف الموضوع دا ويقدر يبدأ فيه بدون اي رسوم كله مجانا محتاج فقط دماغ شغاله
وطبعا تقدر تنشر باسم مستعار او باسمك الحقيقي زي ما تحب وانا ناشر معظم الكتب بتاعتي باسم مستعار ماعدا كتب المحتوى هتلاقيها باسمي وانت بتبيع في امازون أمريكا وكندا وفرنسا والمانيا واليابان وأستراليا وبريطانيا ....
بخصوص سحب الأرباح بتعمل حساب في بنك بيونير وتربطه بحسابك في امازون والاخيره بتحولك الفلوس اتوماتيك لبيونير ومن هناك تقدر تسحبهم لأي حساب بنكي في مصر بس كل الحاجة لازم تكون باسمك وفي الصور مبالغ من بنك بيونير
والمبالغ بتظهر بالشكل دا في امازون نفسها
مش عاوز الشباب تفتكر أن الموضوع سهل قوي هو سهل لو انت عندك ارادة أن تتعلم حاجه جديدة واليوتيوب مليان فيديوهات عن الموضوع من الصفر حتى الاحتراف وعلى فكره في ناس بتحقق أرباح بآلاف الدولارات من الموضوع دا وخصوصا في المغرب وتونس لأنهم مركزين جدا فيه
عشان أوضح الموضوع اكتر بما ان في الحمد لله اهتمام من شبابنا بالحوار ملاحظه في الريتويت واللايك دا مثال على أحد كتبي منشورة في موقع أمازون أمريكا وهو واحد من ضمن تقريبا 13 سوق لامازون متاح تبيع فيهم نفس الكتاب
الكتاب دا كمثال عبارة عن مفكرة الناس بتشتريها في العالم المتقدم عشان تحفظ فيها بيانات الباس ورد الخاصه بالمواقع بتاعتها وهي من جوا صفحات متكررة بالشكل اللي في الصورة ودي بنسميها كتب قليله المحتوي والكتاب دا واخد تقييمات عاليه الحمد لله
صور الغلاف والتصميمات الداخليه هتلاقيهم مجانا في مواقع كتير جدا لكن الأفضل أن تشترك في موقع اسمه كريتيف فابريكا هو اشتراكه لأول مره بدولار واحد لمدة شهر كامل تقدر تحمل فيه على اد ما تقدر يعني مثلا أن حملت ما قيمته نص مليون دولار تصميمات بالدولار دا 🤣
وبعدين لغيت الاشتراك
وبعدين لغيت الاشتراك
وخد بالك من نقطه مهمة جدا جدا أن أمازون مبتهزرش لو حد قدم شكوى فيك انك سارق المحتوي بتاعه بيقفل حسابك فورا بدون ما يرجعلك ومينفعش تعمل حساب تاني لانه هيقفله برضه حقوق الملكية عندهم مفهاش هزار اي حرف أو نص او شكل أو رسمه لازم تكون بتاعتك أو مشتريها
وفي آفاق تانيه للشخص اللي عنده مهارات التأليف يقدر ينشر كتابته بس عن طريق نسخه الكترونيه لانه أمازون لا تدعم طباعه الكتب العربيه حتي الآن ويقدر يبعها كنسخ الكترونيه ويكسب منها زي الكتاب اللي في الصورة بتاعي
دا شكل المنصه اللي بتشتغل عليها
مثال كمان الكتاب دا من داخل المنصه انا عامله بطريقيتن طريقة كيندل إلكتروني بسعر 6 دولار وطريقة الكتاب الورقي ب20 دولار هتقولي مش انت قولت أنه مبيدعمش العربي ما انا قولتلك انا مصري يعني لازم احط التاتش بتاعي الكتاب مترجم يعني عربي وانجليزي وعلي فكره اتباع منه نسختين باربعين دولار
ودا شكل الكتاب علي الموقع نفسه
ومن أسهل انواع الكتب اللي ممكن تنشرها وتحقق منها دخل هو الكتب الفاضيه من جوا خالص بدون محتوى زي الكتاب في الصور ودا عباره عن أجندة كدا الناس بتكتب فيها مفكرات يومية دروس نوتس اي حاجه ودي صور ليها
زي ما قولت لحضراتكم الموضوع محتاج دراسه مش اقل من شهرين تلاته تجمع المعلومات وبعدين تبدأ على بركة الله واتمنى ان اكون قدرت أوجه نظر الشباب لباب رزق جديد ولو في اي استفسار انا تحت أمركم
وفي معلومة مهمة عن الضرائب اللي بتاخدها أمازون من الأرباح وكام تفصيله تانيه بس لسه راجع من الشغل هاكل وافوق واقولكم عليها طالما حابين الموضوع وأن شاء الله يبقي فتحة خير لناس كتير من شبابنا المتعلم المثقف الواعي اللي بيقول انه يقدر وهيقدر وهتلاقوا برضه ثريد للوظائف غير دي شوفها
بخصوص الضرائب احنا عارفين أن أوروبا وامريكا بياخدوا ضرائب على الدخل كبيرة جدا في امازون بياخدوا 30% لصالح الحكومة والمبلغ دا بيتم استقطاعه من أرباحك وعشان تقلل المبلغ دا لحد 10% اكتشفت حاجه مفيش اعتقد حد يعرفها وهي خاصه بمصر فقط مش متاحه في المنافسين من دول المغرب العربي
لما حضرتك بيجيلك العقد بتاع أمازون وتمضي عليه بيقولك ادخل معلومات الضرائب بتاعتك لو سيبتها فاضيه هيخصم منك 30% لكن لو حطيت الرقم اللي انا عامل عليه دايرة دا هتلاقيه بيقولك أن في اتفاقية بين مصر وامريكا وكدا هيخصم منك 10% فقط ضرائب ودي هتديك ميزة تنافسية في تسعير الكتب بتاعتك
المجال دا انا اعرفه من حوالي سنة ونص بالصدفه اثناء مشاهدتي لليوتيوب ودخلت فيه واستغربت أن مفيش مصريين وأن محدش بيتكلم عنه فحبيت اقولكم عليه كأشارة ليكم وليس شرح أو كورس أو أي حاجه الباقي عليك يا بطل انا مجرد فتحت الباب
وفي مجالات تانيه غير دي بس بيحتاج لرأس مال هو قليل بس مخاطرة كبيرة وبرضه الدخل بالدولار وهو مجال التدوال في البورصات العالمية ومن موبايلك بس دا موضوع طويل وخطير والأفضل جرب في kdp
والقناة دي يا شباب فيها كل الدروس اللي محتاجها عشان تبدأ وهي تخص شخص مغربي تقريبا بس الميزة فيه ويمكن دي القناة الوحيدة اللي لقيتها بتقدم محتوى باللغه العربيه الفصحى اما بقية القنوات فهتلاقي اللهجات بتاعتهم مش فاهم منها حاجه بالاضافه للاجانب دول حوار
youtube.com
youtube.com
كدا عندك الفكره ومصدر للتعلم اشتغل بقي وريني البيست سيلر هيطلع من مين فيكم وابقي اشكروني بعدين واوعي تبص علي فيديوهات الأرباح اللي هتلاقيها اتعلم الاول عشان لا تحبط في ناس بتعمل ارقام خرافية بتوصل لملايين وهتلاقيهم اجانب معظمهم
حتى لو حضرتك مش فاضي أو مش مهتم اعمل ريتويت لغيرك من الشباب ممكن يكون دي له فرصه يشتغل عليها وتكسب انت الثواب الله كريم ولا يضيع عنده مثقال ذرة من خير أو شر شكرا لحضراتكم جميعا
اللي عاوز يستفسر عن أي حاجه يتفضل على العام عشان إجابة السؤال تبقي للكل صعب اني ارد على كل الرسايل اللي على الخاص دي
آخر معلومة وآسف على الإطالة أن فرص المصريين في القبول في هذا التعاقد أكثر كثيرا من فرص دول المغرب العربي مع احترامنا الكامل ليهم وانا اتعلمت منهم كتير بس أمازون شايفه ان عددهم كتير جدا وهما عاوزين تنوع فعايز اقول لشبابنا انطلقووووا العقد بيجيلك بسرعه جدا اول ما أتقدم هما لا
@rattibha please 🙏
أمثلة على كتبي
@rattibha please 🙏
جاري تحميل الاقتراحات...