في فترة ما، اختلفت أنا وأعز صديق ليا، كان بالنسبالي أخويا مش صاحبي، هو كان مضغوط، وأنا كنت حاسس إنه مبقاش بيحبني، فعملتله بلوك، كان قرار صعب جدًا، بس قبل ما أعمل، سبتله رسالة أشرحله فيها .
قرار البلوك كان غلط، قعدت بعدها أفكر، الراجل ده ميستحقش يتحط في القايمة دي، حتى لو مبكلموش
قرار البلوك كان غلط، قعدت بعدها أفكر، الراجل ده ميستحقش يتحط في القايمة دي، حتى لو مبكلموش
الناس اللي في القايمة أذتني، هو معملش حاجة، ده مجرد خلاف، ففكيت البلوك، عشان أفهمه، لو شافني صدفة عالفيس، إني مبكرهكش.
فضلنا ما يقارب السنتين مبنتكلمش، هو كان مبسوط بإني حققت جزء بسيط من أحلامي، وأنا كنت مبسوط إني شايفه مبسوط في حياته، لكن مبنتكلمش، جت فترة عليا، تعبت تعب كنت فاكر إني بموت، وأنا قاعد صدفة، لاقيت الفيس باعتلي ميموري معاه، مترددتش، دخلت كلمته، وكنت متقبل أي رد فعل منه،
كنت خايف فترة غيابي، تكون شالت كل حاجة جميلة ما بيننا في قلبه، بس اللي حصل، إنه تقبلني عادي، أه مدة كنت مجرد صاحب، ورجعنا تاني أكتر من اخوات، أكتر حتى من فترة قبل الخلاف، برغم إننا حاليًا مبقيناش نشوف بعض غيبطر كل فين وفين، بس الذكريات اللي كانت بيننا شفعت إننا نرجع تاني.
أنا لما بحب حد، وبضطر أعمله بلوك، مبكونش قصدي أقوله إحنا منرجعش تاني نتكلم، ومبسيبوش يشك فيا أو في نفسه، بسيبله رسالة أعرفه، مسيره يقتنع أو الأيام تقنعه باللي فيها، وبعد فترة بفكه تاني، على أمل إنه يفهم إني مبكرههوش، اللي عملته كان حل لابد منه عشان منسيبش الموضوع متعلق.
لكن بفضل طول عمري على أمل، إن أي حد اختلفت معاه، وبينا ذكريات جميلة، وافترقنا، هنرجع في يوم تاني نتكلم، حتى لو برسالة، أو صدفة في شارع، حتى لو مش هنرجع أحباب تاني، يكفي إننا نعرف إننا مبنكرهش بعض، وبابي هيفضل مفتوحلك.
وإني متقبلك لو فعلًا عايز نرجع نتكلم، وعمري ما هصدك، بالعكس، هفضل مستعد أسمعك، مهما عملت إيه، أو كابرت في حاجة .
الذكريات الجميلة بالنسبالي بتغفر أي خطأ، لكن محدش بيفهم ده.
الذكريات الجميلة بالنسبالي بتغفر أي خطأ، لكن محدش بيفهم ده.
جاري تحميل الاقتراحات...