لماذا يجب ان نقوم بثورة ؟ ١/ ١٠٠
اليوم هاتكلم فى شىء الكل ناسيه ومعتبره مش مهم مع انه هام جدا لانه بخصوص رقدتك الاخيرة ايها المواطن ، نعم فعدد السكان يزداد وبالتالى عدد الوفيات والاسر المصرية تجاهد لاستخدام مقابر واحدة لاسرة الا لمن تيسر له واشترى مقبرة ب٣٠٠ الف او عالاقل ١٥٠
اليوم هاتكلم فى شىء الكل ناسيه ومعتبره مش مهم مع انه هام جدا لانه بخصوص رقدتك الاخيرة ايها المواطن ، نعم فعدد السكان يزداد وبالتالى عدد الوفيات والاسر المصرية تجاهد لاستخدام مقابر واحدة لاسرة الا لمن تيسر له واشترى مقبرة ب٣٠٠ الف او عالاقل ١٥٠
مش من حق الحكومة اى حكومة انها تبيع لنا ارض مدافن بل ان تلك المسئولية فى بلاد عديدة تقع على عاتق الحكومه نفسها بقيامها بانشاء جبانات عمومية تخضع لحراسة شرطية والدفن بها بنظام اللحد للمسلمين او حفرة للصندوق للاقباط وهناك مصفوفة من الارقام وكل هذا مجانا تماما من الدوله ومصر
ماشاء الله مليانة صحارى لماذا لاترفع الدولة العبء عن المواطن وتقوم بانشاء جبانات مركزية بكل محافظة وتستولى على اراضى الحبانات الحالية وتقوم بعمل نظام دفن مركزى لايتكلف المواطن شىء سوى رسوم شهادة الوفاة فقط فنكون زحنا من كاهل المواطن الفقير عبء مبلغ كبير يرهقة وبدون داعى ويتساوى
الكل بنفس الوقت لاجبانة لامير ورئيس وجبانة لفقير ويتم حمايتها بشكل افضل امنيا ويمكن عمل قاعة تعزبة بها وكافيتريا للمعزين ويتم دفع رسوم تكلفة بسيطة ويمكن القائم عليها يكون مجندين شرطة او جيش وهاتطلع بسبوبة كانتين المقابر شوف بقى كام واحد هايموت وممكن تعين عسكرى فقى 🥲 انا باغريه
الموضوع دة يمكن مايقلق الناس الى معاها فلوس لكن هناك ملايين الاسر تفكر بها فلماذا نقلق المواطن فى حياتة ونخلية يفكر يدبر فلوس اموال كافية ليستطيع النوم او الموت بمكان معين ؟
لو جينا عالتكلفة انت مش عاوز اكثر من سور كبير بابراج حراسة زى بتاع السجون او اقل ارتفاع جدا ومدخل وكافيتريا وقاعات عزاء وغرف نوم الحراسة وكمبيوتر وانترنت متوصل بوزارة الصحة تطلع شهادة الوفاة الكترونيا بتروح للمقبرة المخصصة بالمدينة وتصريح الدفن ايضا طبيب الصحة يخش على تطبيق و
ويكتبة وبمجرد كتابتة بتروح للمدافن والصحة والشرطة نسخة لو فى شبهه جنائية ونخلص ، تكاليفك سور كبير ومبانى دور ارضى فقط وتقدر تكسب منها كمان وداخل المقبرة لودر وكيت كات صغير وطقم عمال او جنود شغلتهم يحفرو ويدبشو لحد ويدوهم ارقام وشكرا وممكن نلم ثمن السور من بيع ارض الجبانات القديمه
الفرق بين الشخص الى بيفكر لدولة والشخص الى بيفكر لنفسة ، انت مثلا هاتقول موضوع مش مهم لكن المفروض مهمة المسئول انه يرفع الاعباء عن المواطنين ويفكر فيهم جميعا غنيهم وفقيرهم ويحقق مساواة حتى فى الدفن والموت فالموت واحد ولا جثة مهمة او مدير او غفير والدفن الحالى غير اسلامى اصلا
هاتقولى ايرادات للمحافظة قولى كام المبلغ وانا اوفرهولك من مصدر تانى بالدفن برضة ، هاتقولى تكلفة بناء دة سور ومبنى دور واحد مساحتة الف متر حمامات وقاعات عزاء وكهرباء وكمان ممكن تفتحها بفلوس الى عاوز يبعت طلب على تطبيقهم احجز قاعة ٥٠٠ واحد بكذا شامل المية والعصير بكذا ناس كثير ه
هاتدفع والفقير هايكتفى بعزاء بيته ، وكمان تقدر تعمل خدمة توصيل باوتوبيسات مدفوعة وكلة عن طريق شهادة الوفاة تطلب ٢ باص وتوفر على الناس الجرى ورا الجنازة بعربياتهم والمبلغ بسيط لان الاوتوبيس شغال كل يوم وهاتكسب والله وكمان اراضى المقابر الى بقت بوسط كل مدينة حلال عالدولة
معظم اسرنا العايشين الحالية بيدفنو بمقابر تم بنائها منذ ١٠٠ الى ١٥٠ سنة واكثر من ٥ اجيال باسرة واحدة مهما تشعبت وكبرت تجدهم مزنوقين بنفس المقبرة ولو مات حد اول الشهر ومات حد بنص الشهر يروحو يفنحو القرافة يلاقو ريحة لاتطاق ولية الهم دة كلة ولم العضم بالعضامة كل سنة مالوش عازة
العربيات بتبقى عمالة تجرى ورا المتوفى والناس يروحو القرافة لايلاقو شوية مية يشربوها يبلو ريقهم ودموعهم ولا حمام نظيف يقدرو يستخدموة ولا مكان يقدرو ياخدو فية العزا مع الدفن وشكرا ويستضيف المعزين وكل واحد ومقدرتة الى عاوز يعمل وليمة للمعزين يبلغ قبلها ب٦ ساعات حتى لو عاوز يذبح عجل
من تعبهم والتراب والجنازة واحراءات الدفن بيبقو عاوزين يدفنوة ويرموة بالقبر ويخلعو من التراب والشحاتين والقرف وقلة التحهيز للمكان لكن لو راحو لقو مسجد هناك ومكان استقبال ويدخلو حمامات ويشربو وممكن يجيبو مقرىء ويقعدو ياخدو نفسهم ويروحو ولا عزاء ولا قاعات ولا فلوس مقابر ونوفرها
احسب كام واحد بيموت وكام مقبرة بمصر ومتكلفة كام والناس بتصرف اية كل الفلوس دى هاتتوجه ادخار او استثمار للناس الاحياء الى مش عارفين يعيشو وبينتحرو حرام
جاري تحميل الاقتراحات...