مفيش أى حكومة فى الدنيا عايزه بلدها تكون فى حالة سيئة،لكن فيه ظروف سواء داخلية وخارجية لها أسباب معينة بتؤدى فى وقت ما لأزمات.
فما بالنا والأزمات دى عالمية وأغلب دول العالم المتقدم بيشتكى منها.
لكن الطبيعى لأى شخصية سوية لما وطنه يكون فى ضيقة أو زنقة يقف فى صفه مش يكيل له الطعنات

و ده ما يمنعش ان نفس الشخصية السوية دى تنتقد اوضاع او سياسات معينة هو شايفها من وجهة نظره بتسىء له و بتزعجه و بتأثر على حياته و معيشته بالسلب.
لكن عشان النقد ده يكون فى محله لازم الناقد يكون عنده معلومة كاملة او عالاقل شبه كاملة.

احنا دولة نامية..بنحاول اننا نلحق بركب الدول المتقدمة وفق ظروفنا..
عندنا مشاكل كتير على كل الأصعدة ومن جميع الجهات..
اللى بيتمنولنا و بيسعولنا فى الشر اكتر من اللى بيتمنولنا و بيساعدونا فى الخير.
بلدنا مالهاش غيرنا..
ولا احنا لنا غيرها.

بطلوا نواح...واشتغلوا بضمير..
وخفوا الخلفة عمال على بطال.