هل #الامن_السيبراني تخصص مناسب لك وخيار وظيفي راح تلقى نفسك فيه ؟ في هذا #الثريد راح اضع لك خطوط عرضية واسئلة دقيقة لو جاوبت عليها راح تعرف هل هذا المجال مناسب لك وهل راح ترتاح فيه او تختار تخصص اخر ل #وظيفة مختلفه
اتمنى 🔁 حتى يستفيد الجميع
و ❤️ عشان ترجع لها لما تحتاجها مستقبلا
اتمنى 🔁 حتى يستفيد الجميع
و ❤️ عشان ترجع لها لما تحتاجها مستقبلا
المتوفر الان من وظائف #الامن_السيبراني يتطلب وجود مؤهل علمي سواء دبلوم او بكالوريوس (وهو الاكثر طلبا) او الماجستير ولهذا لازم تشوف خطط الكليات وموادها ومناهجها وما تحتويه من علوم تقنية وهندسية حتى تعرف هل هي ابتداء مناسبه لك او لا لانه غالبا بتدرس مثلا برمجة وهندسة شبكات،،الخ
ثاني شي لازم تتاكد منه ان اللغة #الانجليزية مهمه في هذا المجال بكل مراحله في الدراسة والعمل وتطوير نفسك فعشان كذا ما هو صعب انك تتعلمه ولكن لازم تتقبل فكرة ان #الانجليزي اول تحدي لك لازم تشتغل على نفسك فيه قبل اي شي ثاني ولايمكن تنجح في هذا المجال بدونه ابدا.
ثالث شي برأيي الشهادات الاحترافية مطلوبة وتفرق معاك في التوظيف وفي الحصول على الترقيات وعروض #عمل افضل فلهذا هل انت من النوع الي مستعد دائما للمذاكره من اجل الحصول على اعتماد في شهادة احترافية ودفع مقابل لها - لو كنت على راس عمل غالبا هم بيدفعوا - بس الجهد عليك مذاكرة واستعداد
رابع شي لازم تعرفوا ان معظم مهامكم فيها تفاعل مع الاخرين وتحتاج مهارات ناعمة واتصال عالية وتقبل لنفسيات العملاء والزملاء والرؤساء فقد تحتاج انك تفرض سياسات او تطبق اجرائات ما تعجب الاخرين او تكون توظيف تقيم فيها اصحابك او تسوق لمنتجات وحلول فمهارات التواصل هنا تتطلب ذكاءات عدة.
خامسا: الوظائف المتوفرة ومتطلباتها من الحاجة للتواجد في اوقات عمل زمنيه مختلفه وتتطلب مرونه فهل انت من هذا النوع المتقبل لدوام في الويكند او انك تكون تحت الطلب متى ما احتاجوك تروح لهم مع انه مو بالضرورة لكن يحصل وبكثره.
سادسا لازم تعرف ان هذا التخصص بالذات يحتاج انك دائما تتقدم في التدريب والتعليم وتتعمق في مجال تخصصك وتتفهم المجالات المرتبطه بعملك ولو بشكل اساسي وهذا يحتاج تنظيم لوقتك وتفريغ نفسك حتى تتطور وتظل واقفا ومطلوبا وتحقق عنصر هام في بقائك بعملك وهو الحاجه لك بسبب مهاراتك القوية
اخيرا:متابعة الاحداث العالمية واخر التطورات والهجمات والحلول والقراءة والاطلاع من اهم ما يجعلك مميز ومتقدم في مجالك وتخصصك فهل عندك القدرة الفكرية والذهنية لهذا لانه متطلب اساسي باعتقادي ولازم انك تجتهد فيه وتبذل فيه طاقه وتعطيه وقت من يومك بشكل يومي لو حبيت تتميز وترتقي بوظيفتك
جاري تحميل الاقتراحات...