العالم النفسي ألفريد أدلر قال انه الشخص البيعيش حياته من غير اهداف يحققها هو "عديم روح" لانها هي خُلِقت في الكائنات التي تتحرك، والحركة كأصل غايتها تحقيق شيء والوصول اليه. فالانسان جُبِل بفِطرة وقدره عجيبه على وضع الاهداف لكن للاسف بتضيع في نمط حياه كسول او صحبة سيئة او عقليه(١)
مضمحلة. يجب كواجب وفرض اخلاقي اتجاه نفسك ولصحتك النفسيه والجسدية انك تسعى تكون عايش حياه مرتبه وفيها اهداف واضحه وبتهمّك وواقعيه وتقدر تقيسها. تحديد هدفك في الحياه حاجة صعبه لكن هي السبيل الوحيد لحياه حقيقي وحاتحدث عن الحاجه دي في حديث منفصل آخر وبشكل اوسع (٢)
يجدر الذكر انه اهم منظّم عصبي يفرز في جسم الانسان بل اهم عملة يمتلكها الانسان واهم من الدولار والذهب هو الدوبامين؛ ويُفرز من خلال دائرة عصبية واحده فقط من الدماغ وهي الدائرة المسؤولة من تحقيق الاهداف، والدوبامين بالمناسبه هو غير مسؤول بشكلٍ مباشر من المتعه على حسب (٣)
ما هو معروف، بل في الحقيقه هو المسؤول الرئيسي من التحفيز. الدوبامين يحفزّك انك تتجه صوب الهدف، بيُفرز اثناء السعي للهدف وليس عند الوصول له، عشان كدا لمن تصل لهدف الفرحه ما بتتم دقائق معدودة، لكن احساس سعيك وتعلّقك وتعبك قبل الوصول فيه نشوه حقيقية وعظيمة (٤)
حأذكر الدوبامين في مناسبات كتيره جدا لقدام، وحأخصص ليه مقال كامل في مدونتي حيكون فيه عصاره مثاليه في كيف تستعمله افضل استعمال. الآن انا عايز انوه على حتى لو عندك اهداف واضحه في حياتك وحتى لو عندك ليها خطوات ممكن برضو ما تحققها او تتاخر في تحقيقها بسبب افكار وطرق غلط (٥)
وحده من الافكار الغلط وللاسف شائعة شديد هي انه الانسان مفترض يبتعد عن(multi-tasking)، وانه هو مضر وبيقلل نسبة تركيزك. الكلام دا خاطىء بشكل تام، بل بالعكس القيام بمهام متعدده خاصية اساسا موجوده في الدماغ، لكن ممكن نقول عليها خاصيه جديده. في دراسة جميله اتعملت في جامعة (٦)
كارنيغ ميلون وجدو انه الدماغ عنده basic status بيكون فيها قدرته القصوى على التركيز بتكون في شي واحد فقط ول٣ دقائق بس قبل ما يتلخم ويضطر يرجع يركز تاني، دي فترة بسيطه جدا لكن الفكرة انه دا الليفل ١ ياداب، الدماغ عنده ليفل اعلى بيقدر يعمل فيه مهام متعددة في وقت واحد وبشكل ممتاز (٧)
ودا ليفل جديد اتكوّن في فترة قريبه اثناء تطورنا البشري، ازبط شي في الموضوع دا كله انه افضل وقت ممكن تعمل ملتي-تاسكنغ فيه هو قبل ما تبدا تعمل حاجه مهمه جدا بالنسبه ليك! يعني لو مثلا عايز تقرا لامتحان لكن متقاعس تقوم تعمل مهام متعدده زي انك تنضف غرفتك وتعمل كم حاجه في تلفونك و(٨)
ترتب طاولتك في نفس الوقت، ودا بشكل كبير حيدفعك انك تبدا تقرا للامتحان وبل حتكون متحمس ومركز شديد. السبب باختصار انه الملتي-تاسكنغ مربوط بدوائر في الجسم بتساهم في فرز الادرينالين وتنشيط الجسم والدورة الدمويه وتسريع نبضات قلب، جسمك ودماغك اصبحو في حالة تأهب واستعداد (٩)
فلمن تقعد تقرا امورك حتكون كويسه جدا ومنها حيبدا الناقل العصبي الاهم اللي هو الدوبامين. حاتحدث عنه في وقت اخر وحاتكلم عن طريقة اخرى مربوطة بالناقل دا واسهل وافضل بكثير جدا من طريقة الملتي-تاسكنغ من ناحيه تحقيق الاهداف المهمه. (انتهى)
جاري تحميل الاقتراحات...