ثريد طبي تثقيفي عن الاعصاب للناس اللي بتحب تقرا في الطب بس هي برا المجال الطبي
الاعصاب عموما بتتقسم ل حاجتين اعصاب مخيه (cranial nerve) واعصاب شوكيه (spinal nerve ) ؛ الاعصاب الشوكيه مسؤوله عن حركة الاطراف كلها وعن العضلات المسؤوله عن التنفس والخ
الاعصاب عموما بتتقسم ل حاجتين اعصاب مخيه (cranial nerve) واعصاب شوكيه (spinal nerve ) ؛ الاعصاب الشوكيه مسؤوله عن حركة الاطراف كلها وعن العضلات المسؤوله عن التنفس والخ
الاعصاب المخيه (cranial nerve) ودي اللي هتكلم عنها ب استفاضه اكبر وهما عباره عن ١٢ عصب متقسمين لاعصاب حسيه واعصاب حركيه واعصاب mixed بين الاتنين و بيطلعوا من جذع المخ او (brain stem ) العصب الاول هو olfactory nerve ودا عصب حسي مسؤول عن حاسة الشم
العصب التاني ودا ال optic nerve او العصب البصري ودا عصب حسي برضو او sensory nerve ودا مسؤول عن الروؤيه والابصار وهو بينقل الرسائل البصريه للمخ فالمنطقه المسؤوله عن استقبال الصور ف Area 17 (primary visual correx)اللي موجوده ف ال occipital lobe اللي موجود فالجزء الخلفي من الدماغ
العصب التالت oculomotor nerve ودا من اسمه واضح انه عصب حركي مسؤول عن حركة عضلات العين ذات نفسها ومسؤول عن ضيق بؤبوء العين او eye pupil عشان كدا الاصابه فالعصب الثالث بتؤدي لاتساع حدقة العين فيما يعرف ب ال miosis وتؤدي طبعًا لشلل حركه العين ف اتجاه معين والعين بتاخد الوضع المعاكس
العصب الرابع وهو ال trochlear nerve ودا مسؤول عن حركة العين برضو ودا من ضمن ٣ اعصاب المسؤولين عن حرك العين وهما ا(لعصب التالت والرابع والسادس ) وطبعًا بيعمل تغذيه لعضلات فالعين اعتقد اننا ف غني عن اننا نذكرهم عشان هما كتير والتلات اعصاب اللي فوق دول بيغذوهم
العصب الخامس trigeminal nerve ودا من اشهر شكاوي المرضي وهو التهاب العصب الخامس trigeminal neuralgia ودا العصب المسؤول عن الاحساس فالوجه بالالم والحراره واللمس ومسؤول عن حركة عضلات المضع و هو عصب كبير متقسم ل ٣ اجزاء اتنين منهم مسؤولين عن الاحساس وواحد مسؤول عن الوظيفه الحركيه
العصب الخامس لما بيلتهب بيعمل وجع صعب العيان يوصفه ب انه"كرباج " بيجي دقيقه ويروح ويتكرر كتير او lancinating pain وفعلا من اصعب الالام اللي فالدنيا
العصب السادس abducent nerve ودا برضو من الاعصاب الحركيه ل عضلات العين ودا بيحرك العين ل برا ولو حصله اي اصابه العين بتبص ل جوا ولفوق
العصب السابع ودا طبعًا اشهر عصب الناس تعرفه واشهر اصابه طبعًا؛ العصب السابع ليه وظيفه حسيه وهو الاحساس فاللسان وليه وظيفه حركيه وهي تغذيه كل عضلات الوش اللي مسؤوله عن تعبيرات الوجه facial expressions والاصابات ف العصب السابع بتكون بسبب غير معروف اشهرها تيارات الهوا
اصابات العصب دا بتتقسم نوعين الاولي العين فيها بس اللي بتتأثر والفم سليم بس الاشهر بتبقي نص الوجه كله متأثر وبيحصل نزول فالفم وشلل عضلات الوجه وعدم القدره علي قفل العين وعدم القدرة علي رفع الحاجب
العصب الثامن vestibulo cochlear ودا مسؤول عن حاجتين الاول جزء ال vestibular ودا مسؤول عن الاتزان والتوازن وال cochlear ودا مسؤول عن السمع ودا عصب حسي بينقل الاصوات للمخ ل Area 41 ,42 عشان تسمع الصوت وتترجمه ف حضرتك تفهم الكلام اللي سمعته
العصب التاسع glossopharyngeal nerve ودا مسؤول عن حركه عضلات البلعوم stylopharnyngeus muscle ومسؤول عن الاحساس فالثلت الاخير من اللسان
العصب العاشر vagus nerve او العصب الحائر ودا مسؤول بشكل رئيسي عن الوظيفة الباراثميباسويه للجهاز الهضمي والقلب parasympathetic function اللي بتقلل ضربات القلب ف اوقات النوم او الراحه وهكذا
العصب الحادي عشر accessory nerve ودا بيعمل تغذيه عصبيه لعضلات زي ال trapezius وال sternoclenomastoid muscle اللي هي مسؤوله عن حركة الرقبه
العصب الحادي عشر accessory nerve ودا بيعمل تغذيه عصبيه لعضلات زي ال trapezius وال sternoclenomastoid muscle اللي هي مسؤوله عن حركة الرقبه
العصب ال ١٢ اللي هو hypoglossal nerve ودا مسؤول بشكل رئيسي عن حركة عضلات اللسان سواء حركات اراديه او لا اراديه
خلص الثريد وانا حاولت ابسط علي قد ما اقدر واتمني تكونوا استفادتوا وانا كمان استفدت وراجعت معلومات كنت ناسي حاجات منها من ايام الدراسه
خلص الثريد وانا حاولت ابسط علي قد ما اقدر واتمني تكونوا استفادتوا وانا كمان استفدت وراجعت معلومات كنت ناسي حاجات منها من ايام الدراسه
جاري تحميل الاقتراحات...