سافرت للكويت في ٢٠٠٨ شهر مايو يوم ٢٤ بليل وكان عمري تقريبا ٢٦ سنة بعد ٣ سنين من التخرج في فرصة عمل سريعة الإجراءات قبلتها بدون تفكير وانا في ذهني عن الكويت ٣ حاجات أيقونية مرتبط بيها ،البلد اللي قدمت للعالم العربي الوجبة الثقافية المتكاملة في مجلة العربي، كومبيوتر صخر، والأبراج
بسبب يوم سفر طويل من الصعيد لمطار القاهرة ثم رحلة الطيارة نفسها اليلية نمت وصحيت على مشهد مثير والطيارة بتقرب لمطار الكويت وتنانين النفط بتنفث نارها في مشهد بديع على مرمى البصر في حقل الأحمدي وبرقان، كان مشهد روعة مش معتاد بيعلن بوضوح عن الخير القادم فيها، وصلت واستقريت واشتغلت و
وانبهرت من جودة الطرق وسهولة التنقل وحداثة انواع العربيات وجودة وسهولة الحياة عموما هناك، لاحظو ان الفترة دي كانت مصر خلاص بتلامس قاع الدول بكل مشاكل الفترة اياها من فقر وعوز وفشل حكومي وحالة الادولة اللي كانت أخطر سرطان ضرب مصر وقتها، كنت ممتن جدا للكويت انها منحتني حياة جديدةو
وفرصة لن تتكرر، حبيت البلد هناك وقلبي حزين على مصر بكل أخبارها القاتمة الا هم انتصارات منتخب الكورة في بطولات الأمم ورحلة وصول مصر للمباراة الفاصلة مع الجزائر كمان في تصفيات كأس العالم وفرحة المصريين في الشوارع هناك وتحية الكويتين لينا وفرحتهم، كانت الكويت وقتها جنة المصريين حقا
حتى اتي الربيع العربي بكل احداثة، حصل ما حصل في مصر،وحصل ما حصل في الكويت كمان، من بعدها وكان أبواب الجحيم انفتحت على الكل وتغير كل شئ، الكويت كبلد وحالة خاصة خليجية سياسياوَاقتصاديا بلد مؤسسة على مفاهيم صلبة تتمثل في الإمارة الدستورية ومشاركة الشعب في السياسة عن طريق ممثلينهم
في مجلس الأمة، اجتماعيا متقدمين جدا على اقرانهم الخليجين بما فيهم الإماراتيين، بلد بتنضح بالشطارة والتجارة وفيض ثروة نفطية واستثمار داخلي وخارجي كبير جدا واستقرار سياسي كمان بعد مطبات خفيفة مرو بيها وعدت برجال الدولة هناك لبر الأمان، حتى الربيع الزفت العربي، الكل خاف وانزعج وتوتر
وابتدت موجة تحميل المصريين السلبيات بدافع سياسي مدفوع من قوي سياسية خارجية قبل داخليا هناك، برنامج محكم ضد الوافدين عموما والمصريين خصوصا على السوشيال ميديا مع انتشار استخدامها بعد ٢٠١٢ وما بعدها، رافق دة تحولات اجتماعية ثقافية في الاتجاه المعاكس لما هو معروف عن ان الكويت 🇰🇼 بلد
علماني ثقافي ولكن بشياكة مع الالتزام الخفيف وقوة القانون اللي كان فوق الجميع، بسبب التحول المعاكس والصراع انفجر في وجهنا كمصريين الخطاب المضاد الكارة لمصر ولينا على السوشيال ميديا ولكن على الحقيقة التزم الجميع التعامل الراقي المحترم مع بعض الأحداث البسيطة، كانت فترة صعبة الواحد
فيها كان زعلان على البلد اللي ادتة من خيرها كتير وعلمتني الشغل والالتزام والدقة ومهارة التواصل مع جنسيات كتير وهو شايفها بتتغير ببطئ لكن محدش يقدر يتكلم لانة مش من اهل البلد واللي دة حد لا يمكن تجاوزة ولا يغفرة اي كويتي ابدا لأي مغترب، بعد ١٢ سنة شغل هناك انا لسة فعلا بحب الكويت
جدا ولسة بتوحشني 🥺 واتمنالهم كل خير ومحبة وسلامة لانها بلد وشعب كويسين جدا والحاصل عندهم هيعدي ويمر ان شاء الله
جاري تحميل الاقتراحات...