لما تلاقي رائد الأعمال بيقدملك كوباية فخفخينا فيها شوية اقتصاد على دين وعليها عصير تنمية بشرية وشمسية قصص غير حقيقية وشفاطة مثالية كدابة… تعرف على طول أنه هيبيعلك حاجة.
1/5
1/5
عشان كده هتلاقيهم فرحوا قوي بجملة مدعي العمق والمثالية اللي بتقول "من ارتضى الأجر فليتقن العمل"، اللي هو قال "اتقن" وسابها كده من غير أي تفصيل، عشان اصحاب الشغل يحطوا تحتها اللي هما عايزين، ويذلوا الناس أكتر… تحس أنها أوامر جاياله!
2/5
2/5
جملة أخر قلة أدب وتجرؤ على الغلابة وتشجيع المستغلين عشان يصبغوا كلامهم بصبغة دينية تخوف اللي يعترض.
3/5
3/5
أيوه اشتغل على قد فلوسهم، ومتخرجش عن اللي مكتوب في مهام الوظيفة بتاعتك ومتخليش شغلك يمشي بالحب ولا حد يستغلك ولا يقولك شعارات زي "إحنا تيم" و"هنكبر سوا"، مهما كبرت هتبقى إيه؟ صاحب الشركة؟ طيب هيديك حتة منها؟ ولا هيضحك عليك ويقولك أنت شريك بالمجهود؟!!
4/5
4/5
الشغل يعني مهمة تروح متعملش غيرها وتاخذ فلوسها وتمشي… غير كده استغلال.
ولو عايز تشارك في حاجة تانية، يبقى وقتها يتاخد من المهمة الرئيسية، مش يتضاف عليها.
ولو عايز تشارك في حاجة تانية، يبقى وقتها يتاخد من المهمة الرئيسية، مش يتضاف عليها.
ليه متكلمش عن أصحاب الشغل المستغلين؟! ليه متكلمش عن اللي بيطفحوا الدم في المحلات بكلام فاضي؟ وعن بنات وسط البلد اللي بتتسحل من ٩ ل١٠ واوقات ل١٢ واللي مش عاجبه يمشي؟ ليه متكملش عن مكاتب المحاماة اللي بتذل اللي بيتدربوا؟!
ولا بتوع المبيعات اللي بياخدوا بالجزمة ومش قادرين يفتحوا بقهم؟ والديلفري اللي بيتعامل أسوأ معاملة وغيرهم من اللي شغالين ومش عارفين الساعة الجاية هيمشوا ولا لأ ولا هيتخصملهم ولا لأ، ليه متكلمش عن الناس اللي شغالين سنين من غير تأمين وبيتسربوا برة المكان مع كل تفتيش؟
جاري تحميل الاقتراحات...