كلنا ودنا نكون بالجنة كلنا نبي نكون من الذاكرين الله كثير والذاكرات كلنا نبي ولاية ومحبة الله، كلنا نبي السعادة والأُنس بالله لكن كلمة "ودنا" ما بتسوي شيء لازم نتعب ونجاهد مره مرتين ثلاث عشان نحس بلذة العطاء نحس بنعيم الإيمان.

ذكروا أنفسكم بأن الدنيا زائلة لا تنخدعون بالفتن تذكروا بأن الله يعطي الدنيا من يحب ومن لا يحب ولكن لا يعطي الدين إلا لمن يحب، لازم تكون لكم عادات دينية يومية مثل قيام الليل، الدعاء، النوافل، الأذكار، قراءة القرآن، وإذا ابتليتوا بمعصيه لا تجاهرون لا تجاهرون لا تجاهرون

قبل ما تنامون جددوا التوبه واسألوا نفسكم سويتوا اليوم عمل يرضي الله؟ ذكرتوا الله؟ اغتبتوا احد؟ توبوا واستغفروا حتى استغفروا من الغفلة مثل : "استغفر الله ما ذكرت الله اليوم" وحتى إذا اغتبتوا احد اعتذروا منه وإذا ما قدرتوا استغفروا عنه، ولا يمر يومكم من غير صدقه حتى لو ابتسامه

احتسبوا الأجر حتى بالمباحات مثل : بنام بدري عشان اصحى اصلي الوتر تخيلوا طول ما انتوا نايمين ينكتب لكم الأجر! ومثل : باكل عشان اتقوى للصلاة، النية هي أساس كل شيء اخلصوا نياتكم لله واحسنوها

اذا نبي شيء لازم نسعى له لازم نترك عشانه اشياء كثيره حتى لو نفوسنا تبيها عشان كذا الجنة غاليه، الجنة تحتاج عمل، الله يجعلنا وأهلنا وأحبابنا من أهلها