من فترة سمعت بودكاست مع مؤسس شركة هولندية إسمها Picnic ، دي شركة بتوصلك طلبات السوبرماركت زي Breadfast وطلبات مارت بس من بين كل الشركات اللي شغالة في المجال دة دي واحدة من القليلين اللي قادرين يبقو profitable والحقيقة عجبني المودل بتاعهم ... ثريد صغنن
مشكلة بيزنس السوبرماركت أونلاين إن الهامش صغير أوي وتكلفة الشحن كبيرة ومتوسط الأوردر صغير ، فالشركات اللي في المجال دة بيضطرو يعلو الأسعار أو يبيعولك الحاجات بخسارة عشان تتعود عليهم وقدام يعلوها.
الراجل بتاع Picnic دة قالك أنا كان عندي شرطين: الأسعار لازم تبقي زي السوبرماركت العادي ، والدليڤري لازم يبقي مجانا
عمل كدة إزاي؟ حاجتين أساسيتين: قالك مش هتارجت المدن الكبيرة. مفيش أمستردام مفيش برلين مفيش باريس. كل شغلنا مدن صغيرة لأن التكاليف فيها أرخص.
والنقطة التانية ودي أصيع ، قالك زمان كان في واحد بتاع لبن بيعدي كل يوم في نفس المعاد والناس تشتري منه *شيموليسن* احنا هنعمل نفس الكونسبت: كل شارع/منطقة هيبقي ليهم مواعيد محددة كل أسبوع ينفع الأوردر يجيلك فيهم وبالتالي نقدر نوصل عدد أكبر من الأوردرات مع بعض وندي free shipping
الحاجتين دول مع شوية optimizations تانية خلوه يقدر يخلي كل مدينة بيفتحها تبقي بتكسب بعد ٦ شهور ، ودلوقتي هو شغال في هولندا وألمانيا وبيعمل ٣٠٠ مليون يورو في السنة وخد funding round واحدة وعمال يتوسع
أحد مميزات اللامركزية في أوروبا إن ناس كتير مش عايشة في المدن الكبيرة والمدن الصغيرة عندها نفس ال infrastructure بتاع المدن الكبيرة من شوارع وخدمات ودة بيخلي كذا بيزنس مودل يبدأ من المدن الصغيرة وينجح لأن التكلفة أقل والزباين وال infrastructure موجودين.
دة لينك الحلقة للي عايز يسمعها ، في اعلانات في الاول بالألماني بعد كدة بيتكلمو انجليزي. جدير بالذكر اللي رشحهولي intern عندنا لأن في تشابهات بين البيزنس دة وشركتي ، ودي ميزة خريجين ال top schools إن زي ما انت بتعلمهم هما كمان بيعلموك للأمانة يعني. podcasts.apple.com
أولسو لو حد حابب يسمعني بهري في أهمية ال infrastructure ومقارنات بين مصر وأوروبا يتفضل هنا nullplus.plus
جاري تحميل الاقتراحات...