رتبها

لفترة طويلة عانيت من التشتت وضعف التركيز وللامانه كنت اتعقد باشغال غيري يسويها بكل سهولة.
لكن بعد ما تعلمت بعض المهارات الجوهرية بالمحافظة على التركيز صرت اقدر انجز ضعف الاشغال بنصف الوقت.
لو متشتت فضل الثريد وارجع له✨

قبل عدة سنوات عانيت بشكل مخيف من ضعف التركيز لدرجة ما اقدر اركز بسالفة شخص يتكلم معي او بدرس قاعد ادرسه واضطر اضيع ساعات وساعات باشياء اقدر اسويها بدقائق

فقررت ادور عن حل لهالمشكلة وما تركت كتاب ما قريته ولا مقطع يتكلم عن التركيز ما شفته والحمدلله اليوم اقدر انجز اضعاف اللي كنت انجزه بالسابق وباعطيكم خلاصة بحثي

اولاً ضروري تقتنع انه بوقتنا هذا فيه شيء بحياتك يشبه الجدار يمنعك عن التركيز وهو "الجوال" لانه طبيعي يشغلك بما انه يحتوي على محتوى مسلي بالاف المرات عن المهام اللي تنوي تسويها

طيب ايش الحل بتخطي هذا الجدار الشاهق واللي يعجز عن تجاوزه ملايين الاشخاص حول العالم.

بكل بساطة عدم وجودة حولك، وما اقصد بهذا ارجع لالف واربع مئة وحطبه واشتر كشاف، لا القصد انك بوقت انجازك مهامك لا تخليه موجود بنفس الغرفة والمكان اللي انت فيه

قبل ما ننتقل للمهارات لازم تعرف انه بعض التشتت بحياتك مهب مصيبة، فطبيعي اذا بتدرس ساعات وساعات انك تسرح بين فترة وفترة طالما انه ما يزيد عن الحد الطبيعي والمقبول

طيب ممكن تقول كيف اعرف انه عندي تشتت؟
-اذا المهام البسيطة تاخذ منك ساعات
-عدم التركيز لمدة اطول من 5دقائق
-سهولة انصراف انتباهك من المهمة الاساسية
-تذمر من حولك من ضعف تركيزك

المهارات اللي تزيد التركيز كثيره لكن اهمها :
- قبل ما تبدأ اي مهمة بتاخذ وقت طويل ضروري تمارس عادة التامل وتصفي ذهنك من اي شيء يشغله
-حاول قدر الامكان ما تنجز مهمتين بنفس الوقت باي شغله تنفذها
-لا تستمر بانجاز اي مهمة اكثر من 50 دقيقة بدون ما تاخذ راحة كاملة لمدة 10 دقائق

خلي لنفسك وقت محدد تستخدم فيه الجوال والسوشال ميديا ما يزيد عن ساعة ويفضل يكون باخر اليوم بعد ما تنجز كل اشغالك

بالاضافة للمهارات اللي ذكرنا يوجد العامل الجسدي اللي يحافظ على تركيزك مثل
- ممارسة الرياضة 5 مرات بالاسبوع
- الابتعاد عن الاكل المشبع بالسكريات والكاربوهيدرات
- النوم مدة 8 ساعات يومين "بالليل"

بالنهاية التركيز مهارة مثل اي مهارة لازم تدربها وتطورها، وبسنابي باعطي بعض طرق التامل اللي تساعد على التركيز وتصفية مزاجك قبل انجاز مهامك
Snapchat.com