لازم اسولف لكم عن هالمشروع ! اول ماعرفت اني بشتغله وبسلمه بثلاث أيام (لضيق الوقت وانشغالي بغيره) جلست ابحث عن وصف له ومالقيت! والشرح اللي قدمته لنا ماهو كافي ! والطلاب يفتون بس ما جازت لي الفتوى ! فرحت صلحت قهوتي وجلست على الأرض .. أفكر (اللي يعرفوني يعرفون انها مرحلة متقدمة 🙇🏻♀️)
فقلت خلينا يا بنت نمشي خطوة خطوة ! قرأت ٩ مقالات ماعجبني منهم شيء ! خصوصا إن احنا مطالبين نقدم مرئيتنا في سياقات محدده .. ففكرت ليش أنا ملزمة بهالسياق! لو خرجت عنه ايش بيصير؟ هو مجرد مشروع دراسي، فشلي فيه تجربة تعلّم! وخذيت كل مخاوفي وقطيتها بحر! وبدأت أفكر like there is no box📦
وبدأت ارسم الصوره الاخيرة اللي ابي احققها لنفسي كتارقت بدون ضغوطات وقلق ! أنا أبي أتعلم ؟ لو خذيت مهاراتي السابقة بالربط والتحليل وحطيت عليها شوية creativity ومارست فعلا النقد بناء على حصيلتي من المعارف اللي أساسها بيني ! بصير علامة فارقة ! زينه شينة ! المهم أفرق 😂
كلاس المادة كان امس ! ومحد من الطلاب سلّم .. والغالبية طلبت تمديد .. والبروف شوي خافت من ان محد فاهم (فعلا محد فاهم) وجلست تشرح تشرح تشرح ومحد علق كلن صامت إلا أنا .. اعتلت نفسي معنويات الأصيل الخارج عن المألوف بس التزمت الصمت لأن شدعوة الطلاب بروحهم مستغربين برود اعصابي😂..
صوتي الداخلي هو اللي كان عالي روضه الصغيرة كانت تغمز لي وتقول شفتي ؟ والله إنك كفو .. ! ظاهريا صامتة بس عيوني تلمع😂.. بعد الكلاس قلت لها .. عن مشروعي .. وانا ودي الفح بس يمنعني الحيا والاتكيت.. طالعت فيني وقالت واترجم لكم حرفيا: روضه المنظور اللي تجلبينه للكلاس ما مر علي من قبل
الطريقة اللي تفكرين فيها تخليني اعرف إني أمام طالب مش بسيط وامكانياته اعلى مما يعتقده عن نفسه.. روضه لا تحدين نفسك بسياق واحد.. أنتِ مداك البحثي واسع .. وقتها الارض ما شالتني .. كان ودي ابوس راسها لولا اختلاف الثقافات 😂💗..
الخلاصة ! مافيه طريقة واحده عشان تكون صح ! مافيه مسار واحد .. التميز الدراسي مش مقرون بالكآبة ! مش مقرون بالضغوطات والساعات المرهقة فقط ؟ هي رحلة كاملة من المحاولات المستمرة ! من الرغبة بالاستمتاع بالتعلم .. صححوا المفاهيم واسعوا بحب .. اسعوا لأن الله يرى سعيكم ويباركه 💗
جاري تحميل الاقتراحات...