رتبها

ارشادات ونصائح عن بند الكهرباء⚡️⚡️
✅ اهم Thread هتشوفه فى حياتك عن الكهرباء المنزلية..
•اولا لابد من اتباع المواصفات بدقة
• لابد من اختيار الخامات والمواد الجيدة وطبعا الغالي ثمنه فيه
• لابد من ان نختار عمالة فنية متدربة للتنفيذ✔️✔️✔️✔️✔️✔️✔️
☕️❤️
يُتبع 👇👇

• لابد من مراعاة اللوحات التنفيذية بدقة
• علشان خاطري بلاش اي أهمال فى هذا البند
• لازم ننتبه ان هناك برايز قوي وهي تتحمل أمبير عالي وتستخدم فى السخانات والميكرووف والبتوجاز( اذا كان يعمل بالكهرباء) واي جهاز فيه نظام التسخين الحراري
يُتبع 👇👇

•بلاش حكاية المشترك ونحمل عليه عدة اجهزة
•بلاش ندكك أسلاك كتيرة فى خرطوم واحد لأن الخرطوم فيه مجال ونقول ان الخرطوم واسع .. لازم الخرطوم يكون فيه مجال فاضى ذلك حتى لا تسخن الأسلاك
•القواطع اللى هي بالبلدي الفيوزات اللي هي لازم تقفل الكهرباء لما يحصل ماس او السلك يسخن.
👇👇

فيه ناس كتير بتستخدمها غلط خالص وبتفتكر ان كل ما زاد الأمبير بتاعها يكون احسن .. طبعا ده كلام هبل .. لأن بكده السلك ممكن يسخن ويتحرق ويعمل مصيبة والقاطع ما يتحرك لأن الأمبير بتاعه أعلى من تحمل أمبير الأسلاك ..
👇⚡️

خدوا بالكم أوي من النقطة دي لازم القاطع يكون الأمبير فيه أقل من أعلى أمبير يستطيع تحمله السلك وذلك للأمان يكون امبير القاطع 75% من امير السلك
👇⚡️

• تؤدي الكهرباء إلى التعرض للموت في حالة حصول ماس كهربائي، كما أنها في بعض الأحيان تلحق الأذى بالأشخاص مما يؤدي إلى إصابتهم بإعاقة دائمة تؤثر في كلّ مجالات حياتهم الاجتماعية، والعملية.
👇⚡️

• تؤدي إلى حدوث حرائق، في حالة حصول أي ماس كهربائي بين أسلاك معراة، فمجرد شرارة منها تؤدي إلى اندلاع النيران، وبالتالي تلف الممتلكات، وإزهاق الأرواح، مما تسبب خسائر مادية وكوراث بشرية.
👇⚡️

• تؤثر في نشاط الإنسان بطريقة غير مباشرة، فهي تزيد الكسل والخمول مما تؤدي إلى الإصابة بالسمنة وتوابعها؛ نظراً لاعمتاد الناس على جميع الأجهزة التي تعمل بالكهرباء.
• تقل فعالية الأجهزة الكهربائية، وتتعرض للتلف في حال تم استخدامها في الهواء الطلق، نتيجة الرطوبة، والصدأ.
👇⚡️

•ممنوع تماما توصيل سلك التليفون او سلك دش التلفيزيون مع سلك الكهرباء
•الجرس دائرة لوحدة منفصلة رغم انه امبيره موش عالى
•وبلاش خالص حشو فريز التلاجة بالأكل ولازم نسيب مكان للتهوية وبلاش نلصق التلاجة فى الحيطة علشان التهوية لأن التلاجة فيها غاز الفريون القابل للأشتعال🔥
⚡️👇

• ولازم نختار البرايز اللى هي السكوتات من النوع اللى فيه أمان .. يعنى من النوع اللى صعب ان الطفل يدخل فيها مسمار .. لأن الطفل موش فاهم حاجة
• لازم مفتاح السخان يكون مفتاح مخصوص بيأخد السلكين السالب والموجب بيفتحهم مع بعض ويقفلهم مع بعض وما تسألش ليه أرجوك ..
⚡️👇

وبلاش نظام البخل ونقول ممكن نتستخدم الفيشة لتوصيل السخان .. يعنى اللى عمل مفتاح مخصوص للسخان اكيد موش غبي !!
• طبعا فى البلاد الفقيرة والمتخلفة ما بتنفذ نظام الأرضى .. اللى هو التأريض .. وما بتعرف عنه حاجة لأن حياة الإنسان فيها رخيص أوي ..
⚡️👇

•خدوا بالكم من السخان لأن فيه ناس كتير ماتت من السخان..ماس كهربائي أو إنفجار
•برايز غرف النوم ارتفاعها 80 سم من البلاط علشان ما تكون خلف الكومود وبرايز المطبخ يكون ارتفاعها 120 سم علشان تكون فوق رخامة الحوض أما ارتفاع باقى البرايز يكون 40 سم من البلاط او حسب مواصفات العميل
👇⚡️

• خدوا بالكم فيه حاجة اسمها كهرباء بالراجع .. يعنى السلك اللى مفهوش كهرباء لو حطيت عليه مفك التست تلاقيه ينور .. طبعا ده عيب منتشر جدا ..وله أسباب اهمها الجهل باستخدام الكهرباء وتنفيذها .. يعنى ممكن تتكهرب لو مسكت السلك ده .. اه ممكن تتكهرب
👇⚡️

✅الغاية من التأريض إرثنج (Earthing)
* إن تأريض جسم معدني يعني ربط هذا الجسم بالأرض بهدف جعل مقاومته أقرب ما يمكن إلى مقاومةالأرض الطبيعية، وهي الصفر.
وللتأريض غايتان رئيسيتان:
*الأولى: حماية الإنسان والحيوان من أخطار التكهرب
👇⚡️

*الثانية: المحافظة على نظام توزيع القدرة الكهربائية من ارتفاع توتر الشبكة الذي يتجاوز التوتر المسموح لعمل العوازل.
• كل الأجسام على وجه الأرض تعتبر موصلة للكهرباء منها يعتبر موصل جيد ومنها يعتبر موصل ردئ... وبالتالي جميع الأجسام لها مقاومة للتوصيل الكهربائي .
👇⚡️

• الكهرباء تسير فى الجسم ذات المقاومة القليلة أولا
• جسم الإنسان له مقاومة للتوصيل
• من هنا فكرة التأريض .. يعنى بنعمل حاجة اسمها نظام أرضي للتوصيلة الكهربائية بحيث لو الإنسان لمس الكهرباء بالغلط فتسري الكهرباء الى باطن الأرض 👇⚡️

لأننا وصلنا الجهاز بسلك أرضى ونظام ارضي جعل المقاومة فيه اقل من مقاومة جسم الإنسان وبالتالي كما قلنا تسري الكهرباء الى باطن الأرض دون ان تضر الإنسان
• ودي فكرة التأريض ببساطة اللى هي اسمها إرثنج (Earthing) الفكرة بتعمل على حماية الإنسان وحماية الجهاز من التلف
⚡️👇

• يتم تأريض الأجسام المعدنية بوصلها عبر ناقل جيد الناقلية (الناقل الأرضي) إلى جسم معدني (قطب التأريض) المدفون بالأرض بطريقة مناسبة تؤمن الاتصال الجيد بينه وبين الأرض وطبعا كلما كانت مقاومة نظام التاريض تساوي الصفر او تقترب منه كان النظام ناجحا جدا للحماية .
👇⚡️

•وعلشان نجعل المقاومة تقترب للصفر هناك عدة انظمة لتنفيذ التأريض
• خدوا بالكم من قانون اوم ده هو قانون بسيط اوي لكنه من اهم القوانين فى علم الكهرباء I Ω =V/R
• مين بقه الشاطر اللى يقدر يقوللى ايهما أخطر التيار المار في جسم الإنسان ام الفولتية
👇⚡️

• ومين الشاطر اللى يقوللى ايهما أخطر على جسم الإنسان إذا مر فيه تيار مستمر DC ام تيار متردد AC
________________________________________________
⚡️👇

✅التعامــــل السليــــم مع سخانـــات الميـــاه الكهربائيــــة
السخان قنبلة موقوتة قد تتسبب في قتلك أو قتل أفراد عائلتك ، فكم من أرواح فقدت بسبب الاستخدام السيئ للأجهزة ، وعدم معرفة اشتراطات الأمن والسلامة وكيفية الاعتناء بالأجهزة
👇⚡️

هناك عدد من التعليمات والإرشادات من أجل السلامة التي يجب اتباعها لتجنب الحوادث والإصابات من جراء الاستخدام الخاطئ للأجهزة الكهربائية:
• أهم المخاطر التي يسببها السخان الكهربائي هي الانفجار أو التماس الكهربائي وكلاهما من الأسباب الخطيرة المؤدية إلى الحوادث والموت المحقق
👇⚡️

•التماس الكهربائي يقع نتيجة التركيب غير المتقن عند توصيل الكهرباء للسخان،كالتصاق الأسلاك ببعضها البعض أو عدم العناية عند توصيلها بالجهاز وهي أمور فنية يختص بها فني الكهرباء وإهمالها يتسبب في التماس الكهربائي الذي يسبب الصعقة الكهربائية والذي يؤدي إلى الوفاة في كثير من الأحيان👇

• أما الخطر الأخر الذي يسببه سخان الماء فهو الانفجار، والسبب في ذلك انقطاع الماء عن السخان، حيث يقع ذلك نتيجة تبخر الماء من السخان أو عدم وصول الماء إليه مع استمرار ارتفاع الحرارة حتى تصل إلى درجة الغليان والتبخر فيؤدي ذلك إلى حدوث ضغط داخل الخزان ثم الانفجار
👇⚡️

• السخان له دائرة كهرباء منفصلة ويفضل السلك الواصل يكون 4 مللي مع استخدام سلك معتمد وقاطع معتمد 13 أمبير
• مفتاح خاص للسخان ماركه أصليه فيه ناس بتركبه على مفتاح لمبه عاديه او بتستخدم فيشة مع بريزة ده مش صح والصح مفتاح للسخان لواحده ويكون لايقل عن 23A
تحياتي 😍🥰🌸

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد