قلبي ومفتاحه للموسيقار فريد الاطرش ، دخول بالبيانو من الدرجه الغليظه يخش وراه فريد يدندن اللحن ببوقه ويهمهم بيه كإنه بيفرشلك اللحن فودنك وبيسهيك كدا عشان لما يدخل ايقاع الفوكس السريع ودنك تتخض وتحس بحلاوة الايقاع السريع بعد البطأ دا ويقول الساكس والجيتار جمل من نهاوند الدو
يخش فريد بطريقته المعروفه فالغنا يقول قلبي ومفتاحه من مقام نهاوند الدو علي ايقاع الفوكس السريع وبعدين يكمل نهاوند علي نفس الايقاع لحد ما يقلب ايقاع مقسوم ف قلبي ومفتاحه الاخيره وهو بيقفل الكوبليه وراحع ب سلم النهاوند
موسيقي بنفس جمل الغنا فالكوبليه ،واول ما يبدأ فريد يغني الايقاع يقلب تاني فوكس (٢/٤) ويغني برضو من النهاوند ونيجي عند التحويله اللي عامله زي ضربة القلم كدا يحول فريد لمقام البياتي ف جملة " من يوم ما ايديك " واسمع جمال الجمله الشرقي،ويرجع للنهاوند والفوكس ف "ومدام مشغول "
بنفس طريقة الكوبليه اللي فات يقول فريد يا حبيبي ياريت ابقي حبيبكمن النهاوند وعلي ايقاع الفوكس السريع ؛ بعدين يحول للبياتي ولايقاع المقسوم ف جملة " دا انا مهما بتقسي برضو راضيبك " وبعدين يرجع تاني للفوكس والنهاوند ف "قلبي الحيران "، انا شايف ان الرجوع من البياتي للنهاوند حلو اوي
يقول فريد برضو "ياللي ميصعبش عليك غالي " من النهاوند برضو والفوكس ويحول للبياتي والمقسوم ف "والكلمه الحلوه " وهنا فتحي قوره كاتب جمله مفيش اروع من كدا " الكلمه الحلوه اللي ف بالي تحرم لو غيرك قالهالي " ايه الجمال دا ؛ بعدين يرجع للنهاوند والفوكس ف "قلبي الحيران "
جاري تحميل الاقتراحات...