رتبها

فاكرين شخصية " سيميجول" الشرير
اللى كان في سلسلة أفلام
"The lord of the Rings "
سيميجول شخصيه شريرة و محورية و قاتلة..
هل حبيت شخصيته و لا تعاطفت معاه؟
فيه جزء من شخصية سيميجول يمسنا كلنا،
هيخلينا نتكلم عن مشكله اسمها
"Dissociative Identity Disorder"
أو" اضطراب الهوية الانفصامى"

مشكلة مش سهله و ناس كتير مصابة بالمرض ده..و قبل ما أشرح الموضوع فلازم أرجع بيك للبدايات فى أحداث الفيلم و اللى هتوضح لنا سر التغيير العجيب اللى حصل للشخصية.
" سيميجول" كان شخص عادى ..و له إبن عم إسمه ديجول..و يوم عيد ميلاد سيميجول ابن عمه بيلاقي الخاتم السحرى و بيطلب منه سيميجول

أنه يهديه الخاتم بمناسبة عيد ميلاده..لكنه بيرفض..
و هنا نقطة التحول
سيميجول انانى و بيحب ياخد شئ لا يخصه..و مع رفض إبن عمه تسليمه الخاتم..بيدور بينهم معركة تنتهي بمقتل ديجول بعد ما سيميجول بيخنقه..و ياخد الخاتم اللى هيتحول للعنة في حياته..
اللعنة هنا مش بسبب الخاتم..بسبب جريمته

و بيتم الحكم عليه بالخروج من القرية و تحل عليه اللعنة طول عمرهو بيحكى سيميجول اثر اللعنة دى بسبب جريمته اللى ارتكبها.. صحيح هتحدث تحولات جذرية في شكله و هيبدء عقله الباطن يلجأ إلى ما يسمى بالتغيير..لابد يبتدع وجود شخصية تشيل إحساسه بالذنب مكانه..و هنا يأتي دور شخصية " جولوم"

و هنلاحظ أنه في كل موقف يظهر الشر فيه هنسمع سيميجول بيستدعى روح الشر اللى جزاه و يردد كلمة "جولوم" و كأنه بشكل ظاهر بيقول أنه عايش بشخوص متعددة..لانه مر بظروف استثنائية وصلته لانه يقتل..و قتل و تم عزله و بالتالي لازم يساعد نفسه على المواجهة..فبيستخرج من جواه شخصية جولوم الشرير

شوفتوا ازاى بيتكلم مع نفسه ؟ أو مع الشخصية اللى عايشة جواه؟هو رافض للشر لكنه مش قادر يواجه ، جواه جانب طيب و لكنه مش قادر يظهره كتير ..بيتمنى زوال " جولوم" من حياته عشان يرجع يعيش حياته كما كانت..و كان بيأمل أن اللعنة تبعد عنه.. الشخصية الانفصامية واضحة المعالم و مثيرة للشفقة

و الشخصية اللى بتعانى من مظاهر اضطراب الهوية الانفصامى بيكون دايما منطوى و مكتئب و دايما بيخلق شخصيات حواليه تساعده في تجاوز ما يمر به.. شوفوا سيميجول هنا و رد فعله على كلامه مع بيلبو باجنز.. كوميديا سوداء بمعنى الكلمة

سيميجول قتل..و مستعد يقتل مرة تانية فى سبيل الاحتفاظ بلعنته" الخاتم" و ممكن يعمل اى حاجة تخليه يوصل لهدفه..هو انتهازي و خائن و مدلس و عدواني..مهما أظهر من براءة و إنسانية فهو مضطرب للدرجة اللى بيفضل فيها أنه يقتل مرة أخرى بسبب أنه كان من البداية محب للامتلاك..

إذن ما هو علاج حالات اضطراب الهوية الانفصامى ؟ و المثال هنا هو حالة سيميجول..
العلاج ببساطة هو الرحمه
مريض اضطراب الهوية الانفصامى جاى من جحيم حقيقي رغم أنه في الأساس مجرم..و لكنه جواه نوازع إنسانية هتخليك تتعاطف معاه..و لو أظهرت له تعاطف و حب حقيقي و احتواء فأنت برتجعه يتنفس

إبراز رحمتك و حبك للغير مهما كان جواه شر يقدر يخليه يتغير..تماما كما فعل بيتر جاكسون في مشهد فيلم الهوبيت بين بيلبو باجنز و سيميجول وقت ما بيبلو اخد الخاتم..فقط ركز مع نظرة مارتن فريمان في المشهد و انت تعرف أن الرحمة علاج.. رغم أن السيف في ايدك
تمت

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد