رتبها

اكثر سؤال يتوجهلي في اخر سنه
منو افضل مطاعم الكويت او السعوديه؟
منو اقوى؟
اي سؤال من هالنوع اي شخص بشوف الاجابه بمنظور دفاع من الدرجه الاولى عن دولته. وبكون صريح معاكم! الناس تزعل من اي اجابه سواء سوق الكويت افضل او السعودي
اتمنى يعجبكم الثرد ❤️

المقارنه لازم تكون لها اساسيات مافي شي اسمه "مقارنه عامه" او بشكل عام خاصه في هذا القطاع
اول شي نتكلم عن سلوكيات المجتمع العامه ونقسم المقارنه الى ٣ اشياء
الرخيص الفاست فود-الفاست كاجول
المتوسط الكاجول
الغالي ابر كاجول
المقارنات كثيره جدا و لكن نركز عل الاهم.

اولا: الفاست فود والفاست كاجول
٦٠ ريال و اقل ٥ دنانير و اقل
الكويت
ليس هناك حساسيه التسعير لاي شي رخيص. "الاغلب" يعني لما يدخل طلبات يطلب مايشوف سعر الوجبه او سعر البرقر يشوف سعر النهائي للطلب سواء " مطعم - مخبز - قهوه "

الاغلب يتحسس من سعر التوصيل، اكثر من الطلب نفسه! يعني ماعنده مشكله سعر البرقر شوي غالي بس عنده مشكله ليش سعر التوصيل فوق سعر توصيل القانوني؟
٢٥٠-٥٠٠ فلس طريقه التواصل في جميع الشركات العالميه و المحليه في السوق مبنيه على قوه الدعايه و انتشارها ومخاطبة العميل "جوده-شكل-سرعه"

الكويتي افضل من من ناحيه "طعم او جوده "لان ماعنده حساسيه تسعير ففي مساحه للابداع للمطور لتقديم شي افضل
الكويتي افضل ببناء الهويه و هذا يتفوق فيه بشكل كبير
السوق الكويتي فاشل في خدمة التوصيل.
متوسط التوصيل ٤٥-٦٠ دقيقه
متوسط محيط التوصيل ٧ ك
متوسط محيط التوصيل وقت الذروه ٥ ك

السعوديه
مفهوم السوق وسلوكياته مبنيه على سعر الوجبه والمنتج " مطعم او قهوه" والاسباب دايما بوجهة نظر السعودين هي قوة المنافسه واشوف ان السوق مافيه الاكتفاء والتوازن بالعرض و الطلب. بالعكس السوق ليلحين يستقبل المزيد ولكن بسبب مفهوم المنافسه بالنسبه للمجتمع بان عدد المطاعم كثير..

صحيح ان عدد المطاعم او القهاوي كبير و لكن الطلب اكثر بكثير من العرض.
مثال (خلال ١٠ كيلو متر تعداد السكان يوصل ٤ مليون) "شرق الرياض"
الشركات العالميه و المحليه في المملكه طريقة مخاطبتها للعميل مبنيه على "سعر سعر سعر"

السوق السعودي خيالي في خدمة التوصيل الي تعطي الكفه الاقوى في هذي الفئه
سرعة خياليه في التوصيل متوسط ٢٥ دقيقه في المملكه
متوسط محيط التوصيل ١٢ كيلو
متوسط محيط التوصيل وقت الذروه ٣ كيلو
متوسط التوصيل في السعوديه " ١٧ ريال - توصل الى ٤٠ ريال حد اقصى "

تحليل عام لهذي الفئه
القوه الشرائيه و الكم يرجح قوة السوق السعودي بسبب قوه النتشار و الزحمه في وقت الذروه
مثال:
الكويتي افضل شخص يقدر يبيع ٥٠٠-١٠٠٠ دينار باليوم
متوسط ٦٠-١٠٠ طلب يوميا بسعر ٥-٨ دنانير متوسط للطلب

و لكن في حال الانتشار و بيع ٥٠٠ طلب باليوم على الاقل "في ساعات الذروه "يبدي قوة الفكر للسوق السعودي يتفوق في كيفية التنفيذ و الاداره و الانتشار
و لهذا السبب دايما انصح ببناء علامات جديده لكل دوله تحترم فيها السوق المحلي من قوة تنفيذ وتطوير و الاعتماد على المجتمع المحلي بالابداع

ثانيا :السعر المتوسط ( الكاجول )
الانتشار: متوسط الى ضعيف ( الى ٣ لكل مدينه او دوله )
السعر : متوسط سعر الفاتوره ٨-١٢ دينار ٨٠-١٥٠ ريال
المساحه ٢٠٠+ متر
الكويت
هذي النوعيه من الاستثمار في العلامات التجاريه السوق الكويتي متفوق بشكل كبير. بناء الهويه و الاكل و السعر مقابل الجود

كان الاستثمار بالمطاعم في المحلات الصغيره فقط بسبب خلل السوق العقاري بالتسعير و بسبب الاراضي و طريقتها. و من ٢٠١٨ توجه جميع مطاعم الكويتيه الى مساحات كبيره. ف بذاك الوقت تميزهم كان بسبب التركيز بالمساحه و قدرتهم عل الابداع بتكلفه اقل و لكن من عيوب هذا النوع من الاستثمار سقف البيع

. و بسبب فكر السوق او المطور الكويتي بالاستثمار بالهويه و الدزاين كانت علامته التجاريه تستحمل بشكل كبير المساحات الكبيره للجميع و القدره على تطويرها بشكل دائم مثال
( ملنزاني - برقر بوتيك - هبره - لنش روم - المكان )

السعر: السوق الكويتي يعتبر سعره رخيص جدا مقارنتا بالسوق السعودي في هذا النوع قادر يقدم سعر مقابل جوده و مساحه و خدمه بسعر قليل جدا بالضبط عكس النوع الاول
متوسط السعر في هذا النوع من المطاعم ٧-١٠ دنانير كويتي
٩٠-١٢٠ ريال

السعوديه
هناك ضعف كبير في بناء هذا النوع من العلامات التجاريه و اسبابها بوجهة نظري مبنيه على التطوير بشكل اساسي و السوق السعودي مبدع في الاداره و التنفيذ اكثر من التطوير بعكس الكويتي.

لان المستثمر السعودي مفهومه في الاستثمار = العوائد
وليس القيمه في العلامه التجاريه و هذا النوع من الاستثمار يحتاج الى مفهوم مختلف.
صعب جدا عمل الموازنه الاستثماريه بالنسبه لهذا النوع من الاستثمار في السوق الحالي.
مثال: شلون يفكر في فرع واحد او ٢ بس؟

ف بوجهة نظر الاغلب في هذا السوق يستثمر في شي بسيط يفتح فيه افرع كثيره تفوق ال " ١٠٠ فرع " في بعض العلامات.
مثال:٤ مليون ريال لفتح محل واحد او لفتح ٥ فروع من محل بسيط بسبب حجم المدينه؟
من بعد كورونا صار في اهتمام بسيط جدا في هذا النوع من المطاعم و اهو اكثر سوق عليه طلب حاليا!

السعر: كل ماعطيت قيمه و جوده في هذا السوق السعر مايكون له حساسيه ابدا .. و لكن بسبب ضعف العرض ف في فراغ كبير في هذا النوع من الاستثمار.
ملاحظه : سوق الكاجول بالسعوديه مبني على " مطعم برقر كبير يقدم خدمة الطاولات " و هذا مفهوم خاطئ.
التوجه في السنوات القادمه في هذا القطاع

الابر كاجول
السعر العالي
الانتشار :غير موجود ١ فقط
السعر :عالي ١٥ دينار + بالكويت
السعوديه ٢٥٠ ريال و مافوق
كلمة " فاين دايننق " fine dining
كلمه يستخدمونها اهلنا في الخليج في مطاعمنا المرتبه و هذا مفهوم غير صحيح تماما لان مافي اي براند بالخليج يقدم هذا النوع من المطاعم

السوق الكويتي :
الاضعف خليجيا و السبب سلوكيات المجتمع و قوة العلامات التجاريه المحليه الكاجول خاصه الي تقدم ديكورات و مساحات و فكر و اكل و سعر مقابل جوده.
سلوكيات المجتمع الكويتي ضد دفع المبالغ العاليه و عندهم حساسيه عاليه جدا في المطاعم الغاليه عكس النوع الاول تماما.

و هذا السبب الي يخلي المستثمرين يخافون يقومون بهالخطوه و ياخذون المخاطر .. و نشوف بعض المطاعم منها تقدم اطباق سهله و بسيطه خوفا من ردت الفعل. ويضمن شراء العميل الطبق " البسيط" في مطعم راقي. لان نفس ماشرحت ان المطاعم الطبيعيه بالكويت تقدملك تجربه كامله و تدفع مبالغ بسيطه فيها

وايت روباتا- اورا - روكا -كيور
تخيلو؟ اي مطاعم ثانيه بفنادق ابدا ماتعتبر من هل المستوى
هل يعقل دوله نفس الكويت بالمطاعم؟ ماعندهم الا هذا العدد فقط؟
ولكن صار في وعي من المجتمع والمفهوم في الاستثمار العالي وخلال السنتين القادمين في مطاعم عالميه و محليه راح تفتح قريبا بالكويت

السوق السعودي
الاقوى حاليا في الخليج والشرق الاوسط جميع البراندات العالميه اهم شي عندها انها تفتح بالمملكه و السبب؟
سلوكيات المجتمع و القوه الشرائيه تعطيك مساحه و مجال في الربحيه العاليه في هذا القطاع.

اعطيك مثال على سلوك المجمتع و تاثيره
في مطعم بالدنيا من هالنوع بالعالم اخر طلب الساعه ١:٤٥ بالليل؟ الكويت اخر طلب ١٠:٣٠! شلون يقدر يستثمر مبالغ عاليه وسلوكيات المجتمع ماتعطيك فرصه للبيع!
السعوديه من ٦ الى ١ بالليل تقدر تسوي مبالغ ممتازه توصل متوسط السعر في بعضها الى ٤٠٠ الشخص

بالنهايه مافي احد افضل من احد كل دوله لها معاييرها الخاصه والنجاح معيار شخصي يعتمد على هدف الشخص في هذا القطاع وبقول رايي بصراحه بعيدا عن التحليل
قهاوي: السعوديه
مخابز: السعوديه
الريوق : لكويت
حلويات:الكويت
برقر: الكويت
الشاورما: السعوديه
كاجول: الكويت
الابر كاجول :السعوديه

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد