رتبها

ايدي كوهين و افيخاي ادرعي
@AvichayAdraee @EdyCohen
———————————
والوحدة 8200 بالإستخبارات العسكرية (أمان)
وما ادراك ما هي الوحدة 8200 !!
في البداية قبل ما نوضح مين دول؟ وايه ادواتهم
وايه دورهم؟ وايه اهدافهم؟
كل اللي حنذكره ده يعتبر بعض من كل لان الموضوع اشبه بسرطان إتزرعلنا ⬇️

لذلك بتمنى الكلام يوصل لأكبر قدر ممكن من الناس حتى ما ينخدعوا وخاصة شبابنا وأملنا في المستقبل شباب الجيل الجديد
اللي طالعين للدنيا شايفين ناس شبهنا وبياكلوا اكلنا وبيتكلموا لغتنا وبيقرأوا قرأننا وبيقلدوا اسلوبنا وبيقولوا النكت بتاعتنا بإبتسامتهم اللزجة دي
🔴 ودي اداواتهم ☝️ ⬇️

وطبعاً كلها سرقة في سرقة يعني مش مكفيهم انهم سرقوا فلسطين لا كمان عايزين يسرقوا هويتنا ويلبسوا الحق بالباطل ويبدلوا الحقائق ويشوهوا تاريخنا وينسونا جرائمهم ويغسلوا مخ شبابنا ويخربوا بلادنا.
🔴وده هدفهم ☝️
🔴 اما مين دول؟ بديهياً ومش محتاجة نباهة دول صهاينة بإمتياز⬇️

🔴 دورهم وإزاي بيلعبوه؟
- وهنا نرجع للوحدة ٨٢٠٠ وللموساد الاسرائيلي،،
ولفريق عمل كبير جداً بيتكلم لغتنا مهمته الانتشار بين الشباب العربي لجمع المعلومات ورصد حال الناس وايه المشاكل الحقيقية الموجودة بمختلف انواعها في كل دولة.
ومن هنا تتفتح الصفحات ويتفتح الحسابات الناطقة بلغتنا⬇️

ويبدأ نشر الفتنة والتوقيع بين الشعوب وبعضها، بين مؤيد ومعارض وبين مسلم ومسيحي وبين الطوائف وبعضها حتى مشجعين الكرة هدف لهم.
🔴ومافيش مانع من التجنيد لصالح اسرائيل لو جت الفرصة طبعاً.
طيب نرجع بقى لايدي كوهين وافيخاي ادرعي.
واحد متحدث بإسم جيش الصهاينة
والثاني اعلامي واكاديمي!!⬇️

- ملحوظة بس عشان تبقى عارف انه اي واحد تبع الموساد او استخبارات حربي لما بيكبر او يسيب الخدمة في اسرائيل بيبقى اعلامي وصحفي واكاديمي وباحث والكلام ده.
ما علينا الاثنين دول بالذات من اصول عربية وطبعاً مدربين على اعلى مستوى والشهادة لله هما اذكياء برضه وبيلعبوا كويس.
ع العبط بس⬇️

بعد ما بتجيلهم المعلومات المرصودة من الموساد او غيره، وحجم المشكلة اللي عندك يظهرولك ع السوشيال ميديا وهنا حتلاقي افيخاي طالع بوشه السمح بعد ما فريق الوحدة 8200 ولع الدنيا طبعاً وبضحكته اللطيفة يكلمك عن اسرائيل العظيمة وعدل اسرائيل وسماحة اسرائيل وقد ايه اسرائيل جميلة ومافيهاش⬇️

المشاكل اللي عندكم يا عرب وليه نكون اعداء ده احنا اخوات وحبايب ومافيش مانع يقرأ أيتين او حديث او يهنيك بحلول شهر رمضان والعيد او حتى المولد النبوي .
وتعالوا، تعالوا عيشوا واتعايشوا معانا احنا ناس حلوين وطيبين او خدونا مثل اعلى.
وتلاقي برضه ميمز نزلالك عن طريق الوحدة اياها 😉⬇️

- اما ايدي كوهين اعتبره موجهه للمعارضة
لكن في الحقيقة بيتكلم بلسان ولهجة الخونة وتلاقي اغلب تغريداته سياسية من الطراز الاول مرة يخبط في الاردن مرة سوريا مرة مصر مرة السعودية وبيعرف يستخدم اللهجات كويس ودايماً اسلوبه استفزازي عكس اخينا افيخاي وده على فكرة⬇️

تنوع اسلوب لكن الهدف واحد.
وهنا حيقف السرد وارجوا منكم إستكمال الباقي من خلال البحث.
وحنوجه رسالة ونقولهم ✋
إحنا عارفينكم وشايفنكم وحافظينكم وعاجنينكم وخابزينكم والحقايق مش حتتبدل ومش حننسى جرائمكم مش حننسى الدم اللي بيننا
مش حننسى بحر البقر
مش حننسى دير ياسين ولاصبرا وشاتيلا ⬇️

مش حننسى الحروب والدم اللي بيننا
مش حننسى الخراب اللي بتلحقوه بينا
مش حننسى اغتيال علمائنا وقتل اطفالنا واغتصاب اراضينا.
مش حننسى اي شئ والجيل الجديد حنلحقه وحنعلمه وحنقولهم الحقيقة
وحنحكي الحكاية كلها لولادنا زي ما حكوهالنا اهالينا وهكذا وهكذا
حتى يقضي الله امراً كان مفعولاً..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة