ثريد .. بدعه المولد النبي وخطوره تاثيرها على الفرد والمجتمع مستقبلا
اولا قبل كل شي خليك ماخذ في بالك انه العلماء اختلفو في مولد الرسول ولا جاء كلام صحيح ١٠٠٪ يثبت نفس اليوم خطا اول شي
ثاني شي الرسول صلى الله عليه وسلم اشار وقال ((عليكم بسنتي وشنه الخلفاء الراشدين من بعدي )) ابو بكر احب اصحاب الرسول فعله ؟ عمر بن الخطاب فعله ؟ عثمان فعله ؟ علي ولد عمه هل فعله ؟ ما فعله احد وهم يحبونه اكثر مني ومنك والرسول اشار بصريح العباره انه عليكم بسنتي وسنتهم
ثاني شي عائشه رضي الله عنها اللي احبها الرسول حب عظيم ومىات في حجرتها عاشت بعده ٤٠ سنه متخيل ؟ ولا مره سوت البدع ذي وهي اقرب واحب له بشكل كبير جدا جدا
تعالو نشوف اصلا كيف بدات ذي البدعه لو سالتك وش افضل القرون بعد الرسول ؟ هي زمن الصحابه والتابعين واتباعهم ولو مره نبالغ نعطي ذا الزمن كله ٢٥٠ سنه من وفاه الرسول صلى الله عليه وسلم
متخيل كلً ذي المده ماكانت في البدعه ذي ؟ ظهر فيها المذاهب ٤ والكبار احمد بن حنبل والشافعي و مالك وابو حنيفه ولا احد اظهر البدعه ذي بزمنهم ! ظهرت بعهد والقرن الرابع في زمن الدوله الفاطميه اللي اجمع كثير من العلماء انها خنجىر كبير بالدوله الاسلاميه لكثرة البدع اللي نشرتها
اتوقع اذا وصلت لذا المكان المفروض تستسلم وتقول ايقنت انها بدعه ١٠٠٪ لكن اذا لا زلت تكابر تعال ازيدك من يوم ظهرت البدعه ذي اهل العلم حاربوها وكانت شي بدعي مايحتاج دليل ولا تبرير لكن المبتدع ما يرتاح الا بنشرها حتى مع الاجيال اللي بعدها !
لو تحسب اقوال العلماء بتلقى فئه كبيره منهم صنفتها انها بدعه خطيره واللي اجازها قله منهم وبشروط ووو لكن تعال انت اللي تدور كلام اي عالم عكس الجماعه ! انت الان اخذت رخصه من هنا وتركت الجماعه من هنا طيب العالم ذا امر بالسنن امر باشياء كثير ليه ماتطبقه ؟ ليه بكل شي تدور رخصه
اهل العلم صنفو اي شخص يدور الرخص من العلماء مثال انه الاغاني ٩٠٪ حرموها اهل العلم و ٢ حللوها اذا رحت اخذت من ٢ وتركت الجماعه وبعدها بنفس الشي مثل المولد اخذت عالم ثاني وتركت الجماعه فانت زندىيق كل من تتبع رخص العلماء فهو زنىديق هذا كلام اهل العلم
لان ماصار دين هذا بكل امر فيه شبهه العلماء يجمعون على راي وانت تدور اي راي خارجي حتى لو من شيخ سجله ضعيف وتاخذ رايه ! انتبه من هذا الشي فهذا خطير جدا جدا
بعدين فيه فئه اذا نصحت عرفت الصح لكن تكابر تقول طيب ليه ما تنصحون عن اليوم الوطني ! اوك اليوم الوطني الاحتفال فيه بدعه لكن اثمه اشد ولا اثم انك تسوي بدعه دينيه ؟ خصوصا انه الرسول حذر من البدع الدينيه بشكل كبير وقال كل بدعه ظلاله الى اخر الحديث
الرسول امر بسنن كثير تركوها ومتاكد كثير منهم تاركها لكن اذا حصلو بدعه ال ناس تسابقو اليها ؟ ايش التناقض والمبدا المضحك ذا ليه ما تثبت حبك بتطبيق اوامره ليه تنتظر بدعه محرىمه تثبت حبك فيه ! باشياء تعسل فيها جوك انك تحب الرسول فيه !
تعالو خذو مثال مشغلين اغنيه ورقص في يوم حفل مولد الرسول حسب زعمهم😅 ، المشكله المقطع في فئه متبرجه و الرسول امر بالحجاب امر بغض البصر؟ ليه ما تطبقون ذي الامور شايفين كيف فيهم جهل وضحك ويلعبون على نفسهم
القضيه ما هي قضيه انك تتذكر الرسول حنا ماعندنا مشكله بذا الشي حبيبنا واشرف البشر القضيه انه اليوم ناس تحتفل باشياء بسيطه واللي بعدها يطلع بدع جديده باليوم مضافه باليوم الين تظهر اشياء كثير محرمه باليوم ذا ونندم انه ما انكرنا علينا من البدايه…
الموضوع خطير على الفرد والمجتمع مو بسيط اذا الفرد اليوم مشى ورا بدعه بكره بتطلع بدعه مولد صحابي ولا واحد غيره ويكثر الجهل كذا الرسول حذر من بدايه البدعه لماذا ! لانه وراها و خطورتها مستقبليه اخطر اليوم شفنا مقاطع حريم يحتفلون با اغاني ويعسلون انه لمولد النبي بكره وش بنشوف !
لا تقلي الموضوع صار منتشر وذا مشهور نشر والثاني ايده هؤلاء ما يجون ولا يمثلون جزء من العلم ك محمد صلاح اللي البعض شافه ناشر يحسب انه شي عادي ؟ الشخص ذا لا يؤخذ منه اشياء لانه وراه امور منكره وغيرهم بعد هؤلاء لا يمثلون انفسهم ولا يمثلون راي اهل العلم ابعدو عنهم
نهايه تذكر عزيزي القارئ اذا انت محتفل فيه وتايد حتى لو بقلبك الفعل ممكن تحاسب الرسول حذر من اي بدعه في الدين لانه وراها امور كبيره اذا عندك منبر لا تاخذك لومه لايم بالتنبيه ل يزداد اهل الثبات ثبات ويرجع اهل الباطل عن بدعهم وكفانا الله وياكم شر البدع ذي
جاري تحميل الاقتراحات...