رتبها

اللي مفهمش الاعلان تعالي هفهمك كل لقطة
اديداس نزلت الاعلان ومدته دقيقة واحدة إلا ان كل كادر وكل صورة وكل ثانية وكل كلمة ليها معني قوي جدا جدا إما لترسيخ مبدأ ان الأهلي هو سيد القوم وكبير الأندية المصرية والافريقية أو اسقاط علي الغريم اللي ظهر بأشكال عديدة تعالي اقولك ازاى 👇يتبع

يبدا الاعلان ببنت بتسأل مامتها عن الجاكت وبتبدأ الكادرات
اول كادر معانا اللي عظمة بجد هوا ظهور كابتن بيبو بتيشيرت اديداس من أيام السبعينات ودي حاجة حلوة جدا تدل علي التاريخ القوي بين العملاقين

بعد كدا تظهر الصورة العظيمة دي ومش محتاجين طبعا نوضح مين "بسكلتة مصر🤭

القاضية ممكن ... القاضية في التسعين
ترسيخ لبطولة القرن امام البيضة
البياع لابس تيشيرت ابيض وماسك زمارة حمرا (زمارة جنش) وبيبيع غزل البنات في كيس أحمر😂😂
منتهي الجحووود

راجل عجوز بقميص ابيض (للبيضة)وراجل اربعيني بتيشيرت أصفر (للمانجا). وطبعا الصورة مش محتاجة شرح عن اولاد العم 😂
البليلة ضحك علي المنجاوي زي كل سنة

مفيكووش نجم أبناء العم بيتفقوا علي التفويتة في حضور شخص تالت لابس "ابيض" وشغلته مز ور .. كلهم بيتفقوا قدام شاشة تليفزيون علي لقطة "القاضية ممكن" والبنت معديه بالبسكلتة قدامهم .. معناها كلكم مفضحوين قدامي
لقطة مفيهاش بربع جنية سلكان🤭😂

المنجاوي بيضحك علي البيضاوي وبيسخر من ماتش بيبو وبشير
ظاهر لنا زهر الطاولة 6-1 ودي نتيجة مباراة بيبو وبشير 😂🤭🤭🤭

اسقاط علي نتيجة البطولة التاسعة وفوز الأهلي علي البيضة 2-1 ماتش القاضية ممكن لمجدي بيه أفشة

كائن الطموح بياخد الصابونة .. والبنت اللي راكبة البسكلتة معدية وراه
خد صابونه اغسل بيها بواقى الطموح اللى مطرطش على وشك 😂😂🔥🔥
(( ومفيش بعدى تعدي )) 💪💪

صورة خلفية لبوستر اغنية لفريق oasis والاغنية اسمها some might say انتاج 1995 وتحت عنوان الاغنية شبشب ابيض بخطين حٌمر 😂😂😂😂
منتهي الجحوود اقسم بالله

طبعا الصورة مش محتاجة تفسير؛ الراجل اللي لابس اصفر(المنجاوي) اول ما سمع التتش اتخض وخاف ودلق الشاي علي هدومه وظهر بالشكل المضحك دا(المانجة اتفعصت) 😂😂
ودا اسقاط علي المنجاوية من خوفهم من ستاد التتش

كادر العروسة اللي لابسة ابيض وفرحانة بلقاء العريس هو كادر مكرر في الكثير من الاعلانات لكن في كل مرا بيكون مختلف وبيكون معبر جدا صراحة😂🤭
"مش بحسبهم ما دام ضدي خسران" دلالة لكثرة عدد البطولات اللي الاهلي اخدها علي حساب البيضة😂😉

كادر لوحة العربية من الكادرات العظمة في الإعلان
كلمة (اول)بترسخ ان الاهلي سابق في كل حاجة وسابق في الارقام القياسيةوبعيداً عن اقرب منافسية محلياً و افريقيا وطبعا 1907 هوا تاريخ تأسيس نادي القرن الافريقي النادي الاهلي

كادر اسقاط علي البليله بمنتهي الجبروت.
"نادي القرن ومش هأفسر" الأهلي يعتلي البسكلتة في تكرار لمشهد "العجلة" وطبعا عارفين مين هوا العجلة "بسكلتة مصر"
😂😂🤭🤭

كادر نادي القرن واللي مرسوم في أحد شوارع مصر. ترسيخ لمبدأ نادي القرن اللي أثيرت حوله الأقاويل. ودا بيأكد ان حذف الشعار كان لأسباب حقوق حصرية وفقط.

"مفيش ند" ودا ترسيخ لقوة الأهلي وفكرة القطب الاوحد في مصر واسقاط علي الاخرين ان الاهلي هو اقوي اندية مصر وافريقيا بدون منازع

ظهور مميز لإليسا يانكون وفيها عبارة "قصادي تتهز". بتدل علي قوة الاهلي وان الجميع قدامه مرعوووب

تنافسني يصبح يومك احمر

دي تجميعة للأصدقاء التلاتة"اولاد العم"
اللي خايف من اسم التتش
واللي مستمتع ومتكيف من الاحمر
والعروسة بالفستان الابيض

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة