رتبها

ثريد صور بسيط عن أهم المعاني والإسقاطات المستخبية في اعلان اديداس لتيشيرت الأهلي الجديد
الاعلان مليان تفاصيل وتلميحات قووية جدا جدا
خليك معايا وتابع الثريد ولو عجبك لا تبخل عليا بريتويت وكومنت حلو منك (1)
@MegallyPeter
#الخطيب_درع_الاهلي_وسيفه
@adidasMENA
@AlAhly

اولا فعلاً الأهلي في حتة تانية وإعلان تيشيرت أديداس ولا أروع ويليق بقيمة وتاريخ وعظمة الأهلي.وبغض النظر عن الكلام اللي اتقال الفترة الأخيرة عن التيشيرت وحذف كلمة نادي القرن وتقليص عدد النجوم إلا ان انا شايف ان التيشيرت حلو فعلا وبلاش بقي نحكم علي منتج من خلال صور مسربة.(2)

نروح للاعلان وأقدر اقول حرفيا كل كادر وكل لقطة في إعلان تيشيرت الأهلي من اديداس فيه يا دليل وإثبات علي عظمة وتفوق وسيطرته يا إما إسقاط علي البواب والمانجا
اول امبارح اديداس نزلت اعلان تشويقي7 ثواني.هز مصر كلها حرفياً والكل قعد يتكهن عن ماهية الاعلان ومحتواه وشكل التيشيرت(3)👇

امبارح اديداس نزلت الاعلان ومدته دقيقة واحدة فقط. إلا ان كل كادر وكل صورة وكل ثانية وكل كلمة ليها معني قوي جدا جدا إما لترسيخ مبدأ ان الأهلي هو سيد القوم وكبير الأندية المصرية والافريقية أو اسقاط علي الغريم اللي ظهر بأشكال عديدة ولا حول له ولا قوة😂
(4)
#الخطيب_درع_الاهلي_وسيفه

هأبدا انزل الكادرات والصور وكلها شارحة نفسها ولو فيه معني مستخبي هأحاول افسره
يبدا الاعلان ببنت بتسأل مامتها عن الجاكت وبتبدأ الكادرات
اول كادر معانا اللي عظمة بجد هوا ظهور كابتن بيبو بتيشيرت اديداس من أيام السبعينات ودي حاجة حلوة جدا تدل علي التاريخ القوي بين العملاقين(5)

بعد كدا تظهر الصورة العظيمة دي ومش محتاجين طبعا نوضح مين "بسكلتة مصر"
لأن مصر كلها والوطن العربي عارفين مين البسكلتة 🤭
(6)
#الخطيب_درع_الاهلي_وسيفه

القاضية ممكن ... القاضية في التسعين
ترسيخ لبطولة القرن امام الزمالك
البياع لابس تيشيرت ابيض وماسك زمارة حمرا (زمارة جنش) وبيبيع غزل البنات في كيس أحمر😂😂
منتهي الجحووود (7)
#الخطيب_درع_الاهلي_وسيفه

راجل عجوز بقميص ابيض (الزمالك)وراجل اربعيني بتيشيرت أصفر (الاسماعيلي). وطبعا الصورة مش محتاجة شرح عن اولاد العم 😂
البليلة ضحك علي المنجاوي زي كل سنة (8)
#الخطيب_درع_الاهلي_وسيفه

"مفيكووش نجم" أبناء العم بيتفقوا علي التفويتة في حضور شخص تالت لابس "ابيض" وشغلته مزور .. كلهم بيتفقوا قدام شاشة تليفزيون علي لقطة "القاضية ممكن" والبنت معديه بالبسكلتة قدامهم .. معناها كلكم مفضحوين قدامي
لقطة مفيهاش بربع جنية سلكان🤭😂(9)
#الخطيب_درع_الاهلي_وسيفه

المنجاوي بيضحك علي الزملكاوي وبيسخر من ماتش بيبو وبشير
ظاهر لنا زهر الطاولة 6-1 ودي نتيجة مباراة بيبو وبشير 😂🤭🤭🤭
(10)
#الخطيب_درع_الاهلي_وسيفه

اسقاط علي نتيجة البطولة التاسعة وفوز الأهلي علي الزمالك 2-1 ماتش القاضية ممكن لمجدي بيه أفشة (11)
#الخطيب_درع_الاهلي_وسيفه

كائن الطموح بياخد الصابونة .. والبنت اللي راكبة البسكلتة معدية وراه
خد صابونه اغسل بيها بواقى الطموح اللى مطرطش على وشك 😂😂🔥🔥
(( ومفيش بعدى تعدي )) 💪💪
(12)
#الخطيب_درع_الاهلي_وسيفه

صورة خلفية لبوستر اغنية لفريق oasis والاغنية اسمها some might say انتاج 1995 وتحت عنوان الاغنية شبشب ابيض بخطين حٌمر 😂😂😂😂
منتهي الجحوود اقسم بالله (13)
#الخطيب_درع_الاهلي_وسيفه

طبعا الصورة مش محتاجة تفسير؛ الراجل اللي لابس اصفر(الاسماعيلاوي) اول ما سمع التتش اتخض وخاف ودلق الشاي علي هدومه وظهر بالشكل المضحك دا(المانجة اتفعصت) 😂😂
ودا اسقاط علي المنجاوية من خوفهم من ستاد التتش(14)
#الخطيب_درع_الاهلي_وسيفه

كادر العروسة اللي لابسة ابيض وفرحانة بلقاء العريس هو كادر مكرر في الكثير من الاعلانات لكن في كل مرا بيكون مختلف وبيكون معبر جدا صراحة😂🤭
"مش بحسبهم ما دام ضدي خسران" دلالة لكثرة عدد البطولات اللي الاهلي اخدها علي حساب الزمالك😂😉 (15)
#الخطيب_درع_الاهلي_وسيفه

كادر لوحة العربية من الكادرات العظمة في الإعلان
كلمة (اول)بترسخ ان الاهلي سابق في كل حاجة وسابق في الارقام القياسيةوبعيداً عن اقرب منافسية محلياً و افريقيا وطبعا 1907 هوا تاريخ تأسيس نادي القرن الافريقي النادي الاهلي(16)
#الخطيب_درع_الاهلي_وسيفه

كادر اسقاط علي البوابين بمنتهي الجبروت.
"نادي القرن ومس هأفسر" الأهلي يعتلي البسكلتة في تكرار لمشهد "العجلة" وطبعا عارفين مين هوا العجلة "بسكلتة مصر"
😂😂🤭🤭 (17)
#الخطيب_درع_الاهلي_وسيفه

كادر نادي القرن واللي مرسوم في أحد شوارع مصر. ترسيخ لمبدأ نادي القرن اللي أثيرت حوله الأقاويل. ودا بيأكد ان حذف الشعار كان لأسباب حقوق حصرية وفقط.
(18)
#الخطيب_درع_الاهلي_وسيفه

"مفيش ند" ودا ترسيخ لقوة الأهلي وفكرة القطب الاوحد في مصر واسقاط علي الاخرين ان الاهلي هو اقوي اندية مصر وافريقيا بدون منازع (19)
#الخطيب_درع_الاهلي_وسيفه

ظهور مميز لإليسا يانكون وفيها عبارة "قصادي تتهز". بتدل علي قوة الاهلي وان الجميع قدامه مرعوووب(20)
#الخطيب_درع_الاهلي_وسيفه

تنافسني يصبح يومك أحمر .. 😂😂😂😂
(21)
#الخطيب_درع_الاهلي_وسيفه

نادي القرن ومش هفسر وضحكة شريف المخيف (22)
#الخطيب_درع_الاهلي_وسيفه

دي تجميعة للأصدقاء التلاتة"اولاد العم"
اللي خايف من اسم التتش
واللي مستمتع ومتكيف من الاحمر
والعروسة بالفستان الابيض
(23)
#الخطيب_درع_الاهلي_وسيفه

أخيرا جبت لكم كلمات الإعلان كامل .. للي عاوز يقراها بتأني (24)
لو شفت أي اسقاط آخر او تلميح ياريت تنزله هنا .. أهو نستفاد كلنا 😂😂
#الخطيب_درع_الاهلي_وسيفه

عاوز بس أأكد علي حاجة البطولات مش بتتحقق بالتيشيرت ولا بالشعار ولا بالنجوم البطولات بتتحق بالتعب والعرق والاخلاص
اتمني يكون ثريد خفيف ولو عجبكم ياريت تكتب لي كومنت وتعمل ريتويت له(25)
ونختم الثريد بصورة حبيبنا وكبير عيلتنا بيبو انتهي🦅🦅
#الخطيب_درع_الاهلي_وسيفه

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد