في موضوع قاهرني ومنتشر بشكل يخوف من فتره وودي اتكلم فيه وهو عن البنات الي يعلقون على حسابات الرجال بضحك ومزح ومدح في الاسلوب والشكل والخ.. وخصوصًا في حسابات الرجال الملتزمين اشوف تعليقات صدق فيها من قلة الأد-ب مايدهش العقول اقول هذا الكلام يطلع من بنت !!!

( احس كيوت - يارب اتزوجك ، ياحظك الي بتاخذك ، ، يازينك ويازين اسلوبك - والادهى والأمرّ انها تكتب احبك !!! ) اذكر قبل ان هذي الحركات كانت تطلع من العيال إلّا من رحم الله ، بس الحين تطورنا ! ، كيف تتكلمين مع رجال لا يحل لك بهذه الطريقه ! ..

ما استشعرتي بأن الله يراقبك وانتي تكتبين وتتكلمين بهذا الاسلوب ؟ وماعرفتي ان هذي فتنه لكِ وللرجل ! قال تعالى : ( إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ )

رجاءًا راقبوا افعالكم ، يدك الي تكتبين فيها بتشهد عليك يوم القيامه وكل اعضائك بتشهد عليك لاتنسون ان ورانا حساب وعقاب ، الله يهدي الجميع ويثبتنا على طاعته حتى نلقاه.