"كتالوج الوحش هالاند لتعذيب المدافعين في العرضيات"..ازاي الكتالوج دا واصل إثبات فاعليته في ديربي مانشستر؟ #PeakEye
خلينا نبدأ بهدف هالاند التاني..مع بداية استلام دي بروين، هالاند كان قدام فاران، لحد ما النرويجي هيعدل وضعه.
هالاند اتحرك عشان يبقى في ضهر فاران في الـ blind side (المنطقة العمياء للمدافع)..وهنا فاران بقى قدام اختيارين: يا يبص على هالاند، يا يبص على الكورة؟ هنا مثلاً هو متجاهل الكورة تمامًا عشان يشوف هالاند
قبل لحظة إطلاق العرضية، فاران فقد تواصله مع هالاند وبالتبعية فقد القدرة على توقع تحركه والسيطرة عليه
في الجول التالت، هالاند وصل المنطقة على أقل من مهله، وبدأ من الجانب الأعمى لـ ليساندرو مارتينيز.
هنا مارتينيز قدام نفس الاختيارين اللي كانوا قدام فاران، يا هالاند يا الكورة؟ ليساندرو هنا متجاهل الكورة عشان يحاول يجمع أي معلومة عن تمركز هالاند
مع خروج العرضية، ليساندرو راح في اتجاه وهالاند في اتجاه تاني..وفي النهاية كانت الكورة في الشبكة
هالاند بيحاول دايمًا يحط المدافع قدام سؤال صعب، إجابته بيترتب عليها حجم المعلومات اللي بيقدر يحصل عليها المدافع، وبالتبعية سرعة وجودة القرار اللي هياخده عشان يتحرك ويدافع ضد الكرات العرضية
تقدر تشوف في الصور اللي جاية، تكرار نفس النمط لهداف البريميرليج، بيبدأ في ضهر المدافع وأحيانًا ببيحاول خداعه بإيهامه بالتحرك في اتجاه ثم التحرك في اتجاه آخر
جاري تحميل الاقتراحات...