بتكلم لكم اليوم عن مباهجي الصغيرة لشهر سبتمبر الماضي وايش اللي اعجبني اولا: الفتره الماضيه عانا صغيري من كحه لازمته صباحا ومساء واستفسرت بتويتر عن علاج الكحه وصلتني وقتها اجابات تجاوزت ١٠٠ رد ماتوقعت كمية الاقتراحات وبديت اجرب بعضها يتبع
ومن ضمنها زيت السمسم الاصلي والحمد الله خفت الكحه بعد استخدامي له خصوصا وقت النوم ادهن فيه صدره وظهره واطرافه احيانا والبسه شراب لازالت الكحه موجوده ولكن خفت بشكل غير متوقع وعند بحثي عن زيت السمسم وجدت دكتور الاعشاب جابر القحطاني يثني عليه ايضا sa.iherb.com
من ضمن مباهجي لهذا الشهر هو مقهى صحبة جزى الله العاملين فيه خير الجزاء (مما اعجبني مقهى بدون موسيقى ، عند الاذان يقيمون وصلى ولله الحمد جميع الحاضرين، جو هادى وقهوه لذيذة ) ولاحظت ايضا شاي ابو وليد فيه نفس هذه الميزة غرفه كامله مخصصه للصلاة استأنس حقيقة بمثل هذه المشاهد
من مباهجي ايضا خبز بريوش من سبار ماركت سالتكم قبل فتره سؤال وين اجد افضل خبز بريوش وكانت اغلب الاجابات متشابهه واجمعت على خبز بريوش سبار لذيذ جدا انصح فيه خصوصا اذا بتسوون فرنش توست فيه من افضل ماجربت حاليا
من مباهجي ايضا : في مصطلح مايعرفه الا انا وزوجي وهي بدلة اسميها ساترة العيوب في كل شتاء اشتري لصغيري هذه البدلة ويلبسها في اوقات كثيرة وقت خروجنا فكرتها انها تكون قطعه واحد وايضا وسيعه ليه ؟ انا احب الطلعات وخصوصا السريعه بدون مايحتاج مني اغير لبس طفلي كامل والبسه لبس جديد
يعني مجرد مايجي مشوار يلبسها فوق لبس البيت ونطلع بسرعه من البيت باقل وقت ممكن وهو شكله مرتب وانيق اشتريتها له من عمر الشهور والى الان لازم اشتري حبه كل سنه بجوده ممتازة هنا صور لتاجر يوفرها ورابطه عنده اشكال والوان وتصاميم مختلفة s.click.aliexpress.com
من مباهجي ايضا الحمد الله طريقة ساعدتني على عمل الخير اكتب كل فتره في النوت للجوال بما اني استخدمه كمنظم لي جزء خاص باعمال خيرية اود ان اقوم بها او اذكار اود الاستمرار عليها لتصبح عادة لي مثلا لفهم الفكره اكتب صلاه الضحى ، ايه الكرسي بعد الصلاه المفروضة لفضلها العظيم
واخر مباهجي الصغيرة فكره التنظيم البسيطه هذه ساعدتني كثيرا وقت الخروج
شكرا لوصولكم لنهاية الثريد فهذا يعني لي الكثير شاركوني مباهجكم لاطبقها الشهر القادم ❤️😍
جاري تحميل الاقتراحات...